Քիչ առաջ ազատ արձակվեց Շանթ Հարությունյանի գործով ձերբակալված Հայկ Հարությունյանը - Արմեն Աշոտյանը Բաքվում հորդորել է գալիք սերունդներին չսնել հայատյացությամբ - Ոռոգում. Ծիծաղելի կլիներ, սակայն ողբերգություն է - Հերոսներն ընկան՝ պաշտպանելով, իսկ Մանվել Գրիգորյանն ապրում է՝ հերոս տղերքի մայրերին հայհոյելով - Վերնիսաժի սպանության հետքերով. հետախուզվողներից մեկը հայտնաբերվել է. ոստիկանություն (տեսանյութ) - Ինձ համար անընդունելի իշխանությունից ոչ մի կոչում չեմ ընդունում․Հայկ Մարության. Hraparak.am - Կալանավորվել է երկու անձ` այդ թվում պետական հատուկ ծառայություն իրականացնող պաշտոնյան - Ողբերգական դեպք Լոռիում. 14-ամյա տղան ընկել է տրակտորի տակ ու մահացել - Դոնալդ Թրամփն ուղերձ է հղել Սերժ Սարգսյանին - Գողականները մարդ չե՞ն. պատգամավորական զարմանքից անդին

2017 թվականի նվերը Գյումրիին. Ֆինանսների նախարարը Գյումրիում ստորագրել է 23, 8 միլիոն եվրոյի վարկը


finansner-naxarar-varedan-aramyanaycn-gyumrihandipum-qaxaqapetaranum-samvel-balasanyan-asfaltapatman-hamar-tramadrvox-vark

Նոր տարուց առաջ, բայց Նոր տարվա ծրագրով Գյումրի էր այցելել ՀՀ ֆինանսների նախարար Վարդան Արամյանը: Գյումրիի քաղաքապետի և նախարարի միջև ստորագրվեց «Գյումրու քաղաքային ճանապարհներ» ծրագրի իրականացման համաձայնագիր:

Ծրագիրն իրացվելու է 3 տարում՝ 3 փուլով: Ծրագրի ընդհանուր արժեքը կազմում է մոտ 23 840 000 եվրո, որից 14 600 000 եվրո վարկային միջոցներ տրամադրվում են Վերակառուցման և զարգացման եվրոպական բանկի (ՎԶԵԲ) կողմից: Վարկային մասը մարվելու է տարիների ընթացքում: Առաջիկա երեք տարվա ընթացքում մարվելու են միայն տոկոսները, որը վճարելու է Գյումրիի քաղաքապետարանը:

Քաղաքում վարկային այս գումարով նախատեսվում է վերականգնել մոտ 16 կմ ճանապարհ: Ծրագիրը, բացի փողոցների վերականգնման աշխատանքներից, ներառում է նաև խնայողական լամպերի տեղադրում, լուսակետերի ավելացում, ջրահեռացման ենթակառուցվածքների արդիականացում, մայթերի բարեկարգում:

Արդեն նախատեսված է, որ 16 կիլոմետր փողոցների հիմնանորոգումը պետք է բավարարի որոշակի չափորոշիչների, մասնավորապես, ասֆալտաշերտը պետք է լինի մոտ 20 սմ, բայց Սամվել Բալասանյանը Ֆինանսների նախարարին ներկայացրեց իր ծրագիրը. «Ես կարծում եմ, որ եթե մենք ասֆալտի շերտը պակասեցնենք, կկարողանանք ավելի շատ փողոցներ բարեկարգել, 12 սմ հաստությամբ ասֆալտաշերտով կկարողանանք 22 կմ ասֆալտապատել»:

Այս առաջարկը դեռ քննարկվելու է, խորհրդատուների մրցույթն առաջիկայում է, ու միայն մասնագիտական եզրակացությունները թույլ կտան փոխել ճանապարհաշինարարական չափորոշիչները: «Կարծում եմ, որ այս ծրագիրը էապես կփոխի Գյումրու դեմքը, ու մենք կարող ենք մասնավորին շահագրգռել, որ ծրագրեր անի Գյումրիում: Սա համատեղ ու միասնական ծրագիր է, որ մենք քաղաքապետարանի հետ ջանք ենք թափելու, որ արդյունավետ լինի»,- իր խոսքում նշեց ՀՀ ֆինանսների նախարարը:

Նշենք, որ այս գումարով կասֆալտապատվի Գյումրիի կենտրոնական փողոցների մի մասը միայն: Իսկ մյուս կենտրոնական փողոցները կրկին կարկատանների ձևով կբարեկարգվեն՝ մասամբ անցանելի դարձնելով ճանապարհները: Երկրորդական փողոցները դեռ բարեկարգվում են՝ շատ «հին ու ավանդական եղանակով»՝ կա′մ խճապատվելու են, կա′մ սալապատվելու Արթիկի տուֆով: