«Ուժեղ մնա, Մանչեսթեր»․ Հենրիխ Մխիթարյան - Վանաձորի քաղաքապետի աստղային փառքը «կրծել է» նրա բանականությունը - ԵԼՔ-ն ընթացք է տալիս «Զիբիլիկսի» գործին. Փաշինյանի գրությունը ՀՀ գլխավոր դատախազին - «Նաիրիտի» գործը Քննչական կոմիտեում է - Անահիտ Բախշյան. Երևանի թիվ 79 մանկապարտեզում կադրային ջարդ է (լուսանկար) - Պատրաստ եմ ստանձնելու Արցախի տարածքային ամբողջականությունը վերականգնելու գործի ռազմական պատասխանատվությունը․ Սէֆիլյան - Փոքրիկ Հովհաննեսին վիրահատելու համար 3000 դոլար է անհրաժեշտ (տեսանյութ) - «Կսպանեմ, կմորթեմ». Արաբկիրում ավազակային հարձակումը բացահայտվեց (տեսանյութ) - Քաղաքացուն առևանգելու կասկածանքով 5 անձ է ձերբակալվել - Ռուսական առաջին ալիքի անդրադարձը՝ Հայաստանում տեղի ունեցած «Տոլմայի փառատոնին» (տեսանյութ)

Ո՞ւմ դուր չի գալիս Հայաստանի ՏՏ ոլորտի զարգացումը


hayk chobanyan1

Ազգային ժողովի օրենսդիրները երկար բանավեճերից հետո, հատկապես հոգով ու մարմնով դեմ լինելով` ի վերջո կողմ եղան նոր օրենսդրության ընդունմանը: Հենց սկզբից Հարկային նոր օրենսգիրքը կռվով-դավով ընդունվեց` վեճ գցելով պատգամավորների միջև: Վարդան Այվազյանն ու Հրանտ Բագրատյանը` էլ «վունդերկինդ», էլ «ազվերին կերած», հետո սկսեցին իրար հանգստացնել կամ էլ հակառակը: Ինչևէ:

Ինչպես երևում է, Հարկային նոր օրենսգիրքն ընդունելով հարցը դեռ չի փակվել, այլ նոր-նոր է սկսվում: Նախ տնտեսագետների մի մասն այն կարծիքին է, որ Հարկային նոր օրենսգիրքն ընդունվել է միջազգային կառույցների` Համաշխարհային բանկի, Արժույթի միջազգային հիմնադրամի առաջարկ-պահանջարկով: Թե չէ ինչու երկիրը թողած տարատեսակ խնդիրների մեջ, կառավարությունն ու օրենսդիրները գնում են Հարկային օրենսդրության փոփոխության, այնքան էլ պարզ չէ:

Այսօր Ինֆորմացիոն տեխնոլոգիաների ձեռնարկությունների միության համաժողովի ժամանակ վարչապետ Հովիկ Աբրահամյանը նշել էր, որ ՀՀ կառավարությունը ոլորտի մասնավոր հատվածի հետ համատեղ իրականացնում է Հայաստանում տեխնոլոգիական էկոհամակարգի զարգացմանն ուղղված մի շարք նախաձեռնություններ, որոնք նպաստում են օտարերկրյա ներդրումների ներգրավմանը, որակյալ կադրերի պատրաստմանն ու կարողությունների հզորացմանը, ձեռներեցության խթանմանը, նոր ընկերությունների և աշխատատեղերի ստեղծմանը:

Վարչապետը նաև հիշեցրել է, որ կառավարության նախաձեռնությամբ 2014թ. Ազգային ժողովի կողմից ընդունվեց տեղեկատվական տեխնոլոգիաների ոլորտի պետական աջակցությանն ուղղված օրենսդրական փաթեթ, որի շրջանակում 2015թ.-ից ոլորտի հավաստագրված սկսնակ տնտեսվարող սուբյեկտներին տրամադրվում են հարկային արտոնություններ: Ընդամենը մեկ տարվա ընթացքում ոլորտում ստեղծվել են 111 նոր ընկերություններ, որոնցից 98-ը ստացել են հարկային արտոնություններից օգտվելու հավաստագրեր` ստեղծելով, ընդհանուր առմամբ, 470 աշխատատեղ: Փաստորեն, հարկային արտոնություն տալու դեպքում ոլորտում զարգացումը փաստում է հանրապետության վարչապետը, սակայն կառավարության կողմից ներկայացվող Հարկային նոր օրենսգիրքը բերելու է լուրջ խնդիրը, ինչը փաստում են հենց ՏՏ ոլորտի մասնագետները: Տպավորություն է ստեղծվում, որ Հովիկ Աբրահամյանը դեմ է ՏՏ ոլորտի զարգացմանը, քանի որ լրագրողների հետ զրույցի ընթացքում ԻՏՁՄ փոխնախագահ Հայկ Չոբանյանը նշել է, որ բարձր աշխատավարձերի 30-40 տոկոս հարկումը տեղեկատվական և բանկային ոլորտում ընդվզում է առաջացնելու:

Ընդվզում բառը հնարավոր է դիտարկել մի քանի ասպեկտներով` սկսած դժգոհություններից վերջացրած ցույցերով. գուցե կրկնվի կենսաթոշակայինի դեմ պայքարի ձևը:

Հիմա կառավարությունը մի ձեռքով օգնում է նորաստեղծ ՏՏ ընկերություններին աճելու, մյուս կողմից հարկում է նրանց աշխատավարձն այնքան, որ ոլորտի աջակցությունից բան չի մնում:

Հիշեցնենք նաև, որ ՏՏ ոլորտի ներկայացուցիչները վերջին տարիներին դժգոհում են ԱՄՆ դեսպանատան կողմից վիզաների հաճախակի մերժումներից, որով խաթարվում է ՏՏ ոլորտի ներդաշնակ աշխատանքն արտերկրի գործընկերների հետ: Այժմ էլ միջազգային կառույցների առաջարկ-պարտադրանքով, որը երևի թե պարտադրանք է, քանի որ ՀԲ-ն և ԱՄՀ-ն Հայաստանի խոշոր վարկատուներն են, ստիպում են ընդունելու այս կամ այն օրինագիծը, կամ օրենքների փաթեթը: Միթե Հայաստանի ՏՏ ոլորտն այդքան խանգարում է միջազգային կառույցներին, քանի որ հայտնի է, որ բարձր աշխատավարձ հիմնականում այս ոլորտն է ստանում և բանկային համակարգը. եթե բանկային համակարգի նկատմամբ միջազգային կառույցները իրենց հաշիվներն ունեն, ապա ՏՏ ոլորտն այդ կառույցների աչքն է ծակում: