Ազգի կեսը՝ պատգամավոր - Մուհամեդը չի գնում լեռան մոտ․ մամուլը դարձել է մարտադաշտ - Խնդրում ենք դիտարկել Հայաստան-Վրաստան սահմանային գոտում ազատ տնտեսական գոտու ձևավորման հնարավորությունը. նամակ վարչապետին - «Երդվելիս ես զգացի զինվորական կոչվելու ողջ պատասխանատվությունը». նորակոչիկ - Արտաշատցիներն ուզում են իրենց մահով մեռնել - Նոր ահազանգ ներկրման խոչընդոտի մասին. ՊԵԿ-ը թույլ չի տալիս ներկրում իրականացնել. Նիկոլ Փաշինյան - Ադրբեջանի տարածած տեքստը դիվերսիոն ներթափանցման փորձի մասին հորինվածք է. ԱՀ ՊԲ - Իգնատի Առաքելյանը Սերգո Կարապետյանին գերազանցեց - Րաֆֆի Հովհաննիսյանին ասելիք չունեմ. մենք այլևս ընկերներ չենք. Զարուհի Փոստանջյան - NEWSPRESS.am-ի հիմնադիր Արիանա Հովսեփյանը պաշտոնապես դարձավ IPI միջազգային հեղինակավոր կազմակերպության խորհրդի անդամ

Վարչապետն այցելել է ԵՊՀ-ին առընթեր Արտաշես Շահինյանի անվան ֆիզիկամաթեմատիկական դպրոց


Hovik-Abrahamyan11

Վարչապետ Հովիկ Աբրահամյանն այսօր այցելել է Երևանի պետական համալսարանին առընթեր Արտաշես Շահինյանի անվան ֆիզիկամաթեմատիկական հատուկ դպրոց: Այս մասին տեղեկացնում են կառավարությունից:

Կառավարության ղեկավարը դպրոցի տնօրեն Հայկազ Նավասարդյանի ուղեկցությամբ շրջել է մասնաշենքերում, ծանոթացել կրթության համար ստեղծված պայմաններին, ընթացիկ և առաջիկա ծրագրերին: Հովիկ Աբրահամյանը եղել է ֆիզիկայի և քիմիայի լաբորատորիաներում, համակարգչային դասասենյակներում, զրուցել աշակերտների հետ, ծանոթացել նրանց կողմից պատրաստված ռոբոտաշինական սարքավորումներին, ֆիզիկաքիմիական փորձարկումներին, հետաքրքրվել արձանագրած ձեռքբերումներով և ապագա ծրագրերով: Վարչապետը բարձր է գնահատել ֆիզմաթ դպրոցի սաների կատարած աշխատանքը և մաղթել նորանոր հաջողություններ:
Ներկայացնելով կրթական գործընթացի կազմակերպման ուղղությունները և դպրոցի ձեռքբերումները՝ Հայկազ Նավասարդյանը նշել է, որ կրթօջախում գործում են առարկայական 10 օլիմպիական և 1 ռոբոտաշինության խմբակներ, աշակերտներից շատերը հանրապետական և միջազգային օլիմպիադաների հաղթողներ և մեդալակիրներ են: Վերջին 10 տարում լավագույն սաներն արժանացել են ՀՀ Նախագահի ամենամյա կրթական պարգևների, ինչպես նաև անվանական կրթաթոշակների և մրցանակների: Դպրոցի տնօրենը վարչապետին է ներկայացրել նաև շենքային հնարավորությունները և ասել, որ պայմանավորված դիմորդների մեծ հոսքով՝ դպրոցի տարածքի ընդլայնման անհրաժեշտություն կա: Նշվել է, որ Ա. Շահինյանի անվան ֆիզմաթ դպրոցը մասնաճյուղ ունի նաև Ստեփանակերտում: