Հնարավոր է ինքս հանդես գամ. Զոհրաբյանի արձագանքը` առյուծների ու արջերի հարցով մտահոգված իմքայլականին (տեսանյութ)

ԱԺ-ում քննարկման է դրվել, համապատասխան օրենքում, «Բարգավաճ Հայաստան» խմբակցության մի շարք պատգամավորների կողմից առաջ քաշված փոփոխությունները: Մասնավորապես, խոսքը վերաբերում է կենդանիների պաշտպանության և նրանց վնասելու դեպքում տուգանքների սահմանելու մասին: Նախագիծը զեկուցեց Նաիրա Զոհրաբյանը:

Օգտվելով զեկուցողին հարց ուղղելու հնարավորությունից, «Իմ քայլը» խմբակցության պատգամավոր Քրիստինե Պողոսյանը հետաքրքրվեց, թե արդյոք նույն ոգևորությամբ ԲՀԿ-ական պատգամավորները հետամուտ կլինե՞ն նաև տնային պայմաններում վանդակի մեջ պահվող խոշոր կենդանիների, օրինակ՝ առույծների ու արջերի ազատության հարցում:

Նաիրա Զոհրաբյանը նկատեց, որ ինքը ևս այդ երևույթին վատ է վերաբերվում: Ավելին` խնդրի շուրջ զրուցել են կենդանաբանական այգու տնօրենի հետ և որոշ լուծումներ քննարկել:

«Շատ հնարավոր է ինքս հանդես գամ այդ օրենսդրական նախաձեռնությամբ` կենդանիների պահման հատուկ պայմանների: Ես մոտավորապես ստացել եմ ցանկն այն մարդկանց, ովքեր իրենց օբյեկտներում, տներում, կամ առանձնատներում պահում են կենդանիներ: Որոշները չեն համապատասխանում իրականությանը, բայց պետք է կենդանիների համար ապահովել ստանդարտներ այգում, որից հետո այդ մարդկանցից կվերցվեն այդ կենդանիները և կտեղափոխվեն»,- ասաց պատգամավորը:

Մանրամասները` տեսանյութում