Քոնոր Մաքգրեգորը Հաբիբի հետ մենամարտի ժամանակ վաստակել է 30 միլիոն դոլար․ Forbes
UFC-ի մարզիկ Քոնոր Մաքգրեգորն աշխարհի 100 ամենաշատ գումար վաստակող մարզիկների ցանկում է։ Այս մասին տեղեկացնում է Forbes-ը։
Մաքգրեգորը MMA-ի միակ մարզիկն է, ով հայտնվել է այդ ցանկում և զբաղեցնում է 65-րդ հորիզոնականը։ 2018 թվականին նա վաստակել է ավելի քան 47 միլիոն դոլար։ Ըստ աղբյուրի տեղեկությունների՝ միայն Հաբիբի հետ մենամարտի ժամանակ Կոնորը վաստակել է 30 միլիոն դոլար, իսկ Reebok-ի հետ պայմանագրի համար վաստակել է 5 միլիոն դոլար։
Ամենաշատ գումար վաստակած մարզիկը Լեոնել Մեսսին է, ով վաստակել է 127 միլիոն դոլար։