Բուժօգնության կանոններ իմանալով՝ վիրաբույժ չենք դառնա, սահմանադրական նորմեր կարդալով՝ սահմանադրագետ չենք համարվի (տեսանյութ)
Շատ հետաքրքիր հարց էին տվել ինձ՝ անդրադառնալով մարդկանց իրավագիտակցությանը․ հարցնում են՝ արդյոք այն բարձրացե՞լ է։ Սահմանադրության և պետական խորհրդանիշների օրվա առիթով հրավիրված մամուլի ասուլիսի ժամանակ ասաց սահմանադրագետ Արամ Վարդևանյանը։
Նա նկատում է, որ իրավագիտակցությունն իհարկե բարձրացել է, բայց դա չպետք է հանգի նրան, որ բոլոր մարդիկ վերածվեն սահմանադրագետների։ Նա իրավիճակը համեմատում է առողջապահության ոլորտի հետ։
«Բոլորս կարող ենք իմանալ առաջին բուժօգնության կանոները, բայց դա մեզ չի դարձնում սրտի վիրաբույժ կամ նեյրովիրաբույժ․ մենք միևնույնն է՝ դիմում ենք մասնագետին, այդպես էլ նաև իրավունքի ոլորտում։ Մենք պետք է իմանանք մեր իրավունքները, բայց միայն սահմանադրական նորմերը կարդալով՝ չենք կարող համարվել մասնագետ»,-ասաց սահմանադրագետը։
Մանրամասները՝ տեսանյութում