Բեսպրեդել ու կոմպրոմատներ՝ КГБ-ի ոճով
Օրեր առաջ Հայաստանի Ազգային ժողովը Սահմանադրական դատարանի դատավոր ընտրեց ՀՀ 4-րդ նախագահ Արմեն Սարգսյանին դեմագոգ անվանող փաստաբան Վահե Գրիգորյանին, ով հանդիսանում է փաշինյանա-լևոնական թևի կարկառուն ներկայացուցիչ:
Որևէ տող չասելով Վահե Գրիգորյանի մասնագիտական որակների մասին` միևնույն ժամանակ չենք կարող չասել, որ նա Սահմանադրական դատարանի դատավոր չէր ընտրվի, եթե վերը նշված հանգամանքն առկա չլիներ:
Վստահաբար, որևէ մեկը չի կասկածում, որ Վահե Գրիգորյանի մասնագիտական որակներն ունեցող կամ դրանցից էլ առավելն ունեցող փաստաբաններ կան մեր երկրում, որոնք, սակայն, ՍԴ դատավոր այդպես էլ չդարձան:
Ինչևէ, Նիկոլ Փաշինյանի դակող մարմինը խորհրդարանում կատարեց իր գլխավոր գործառույթն ու Գրիգորյանը դարձավ Սահանադրական դատարանի դատավոր:
Այսօր Ազգային ժողովում Վահե Գրիգորյանը պետք է երդում տար որպես ՍԴ դատավոր, սակայն տեղի ունեցավ մի անակնկալ զարգացում, որն իրար խառնեց բոլոր խաղաքարտերը:
Վահե Գրիգորյանը Ազգային ժողովում հայտարարեց, որ ինքը գնում է կատարելու Սահամադրական դատարանի նախագահի լիազորությունները:
Այս դեպքում հարց է առաջանում` խորհրդարանն ընտրել է ՍԴ դատավո՞ր, թե՞ նախագահ:
Այս ի՞նչ մութ գործարքներ են տեղի ունենում Փաշինյանի և իր թեկնածուի միջև:
Չէ՞ որ պատգամավորները ՍԴ նախագահ չեն ընտրել, ո՞վ է տվել Վահե Գրիգորյանին իրավունք նման հայտարարություն անելու և ի՞նչ է թաքնված այդ հայտարարության տակ:
Նա կոմպորմատնե՞ր է աշխատեցնելու մինչև կենսաթոշակային տարիքը ՍԴ նախագահ ընտրված Հրայր Թովմասյանի դեմ:
Ինչպե՞ս է դառնալու ՍԴ դատավոր, եթե այդ պաշտոնը տասնյակ տարիներով տրված է Հրայր Թովմասյանին:
Այս հարցերի պատասխանը մեկն է` կամ Փաշինյանն, ի հեճուկս արած հայտարարությունների՝ գործի է գցել կոմպրոմատների տարբերակը, որոնց արդյունքում Հրայր Թովմասյանը ինքնակամ հրաժարական կտա իր պաշտոնից, կամ բեսպրեդել, որը վերջին տասը ամիսներին անխափան թևածում է Հայաստանի թավշյա երկնքում, կամ` ամենահավանականը` Փաշինայնը խոստացել է Թովմասյանին վեթինգի չենթարկել` իր պոստը զիջելու պայմանով:
Այս տարբերակներից որն էլ որ ընտրվի՝ խոսելու է բռնապետական և ավտորիտար պետության գոյության մասին, ինչն իր ողջ էությամբ հերքում են թավշյա պաշտոնյաները` միայն խոսքով` գործով ապացուցելով հակառակը:
NEWSPRESS.am