Մայք Պոմպեոն կոչով դիմել է Ռուսաստանին՝ 2014 թվականին մալազիական ինքնաթիռի կործանման հարցով
Ամերիկայի Միացյալ Նահանգների պետքարտուղար Մայք Պոմպեոն կոչ է արել Ռուսաստանին ավելի շատ ջանք գործադրել՝ պարզելու մալազիական Boeing ինքնաթիռի կործանման պատճառները պարզելու համար: Ինքնաթիռը կործանվել էր 2014 թվականին Դոնբասում:
Նիդեռլանդական պարբերականներից մեկին տված հարցազրույցում Պոմպեոն նշել է, որ ավիաաղետի պատճառները պարզելը բխում է հենց Ռուսաստանի շահերից: Հիշեցնենք, որ
MH17 թռիչքի ինքնաթիռը, որը Ամստերդամից թռչում էր Կուալա Լումպուր, կործանվել էր 2014 թվականի ամռանը՝ Ուկրաինայի արևելքով թռչելիս՝ հրթիռով հարվածելու հետևանքով:
Ինքնաթիռում գտնվող բոլոր 298 ուղևորները և անձնակազմի անդամները զոհվել էին: Այդ ժամանակ պաշտոնական Կիևը ինքնաթիռի կործանման մեջ մեղադրեց անջատողականներին, վերջիններս էլ հայտարարեցին, որ իրենք նման հրթիռ չունեն, որ կարողանան այդքան բարձր թռչող օբյեկտներին հարվածել: