Ո՞ր դեպքում կարող է բռնագանձվել մարդու դրամական միջոցները (տեսանյութ)
ՀՀ Մարդու իրավունքնեի պաշտպան Արման Թաթոյանն իր ֆեյսբուքյան էջում իրազեկող տեսանյութ է ներկայացրել այն մասին, թե որ դեպքերում կարելի է քաղաքացու դրամական միջոցներից բռնագանձել, որ դեխքերում՝ ոչ: Թաթոյանը, մասնավորապես, գրել է.
«Մեզնից յուրաքանչյուրն էլ հայտնվել է կամ կարող է հայտնվել այնպիսի տհաճ իրավիճակում, երբ մեր դրամական միջոցների նկատմամբ կիրառվում է արգելանք կամ դրամական միջոցները բռնագանձվում են (օրինակ՝ աշխատավարձ, ալիմենտ, կենսաթոշակ և այլն)։ Դրանից հետո ենք մենք հայտնվում քաշքշուկների կամ իրավունքների խախտման այլ իրավիճակներում։
Մեր հերթական իրազեկող կարճ տեսանյութն այն մասին է, թե որ դեպքերում Հարկադիր կատարումն ապահովող ծառայությունը կարող է բռնագանձում տարածել դրամական միջոցների վրա, երբ է առհասարակ արգելվում մարդու դրամական միջոցների բռնագանձումը, ինչպես նաև ինչպես կարող է մարդը ստանալ Մարդու իրավունքների պաշտպանի աջակցությունը»: