Արդրբեջանի կողմից ականատես եղանք ռասիզմի նոր դրսևորման. ԱԳՆ խոսնակը՝ Հենրիխ Մխիթարյանի Բաքու մեկնելու մասին
«Մենք կողջունեինք, եթե ադրբեջանական կողմը հավատարիմ լիներ այն սկզբունքին, որի մասին հայտարարել էր օրեր առաջ, այն է՝ սպորտը վեր է քաղաքականությունից»։ Այդ մասին այսօր, լրագրողների հետ հանդիպմա ժամանակ, ասաց ԱԳՆ մամուլի խոսնակ Աննա Նաղդալյանը՝ անդրադառնալով Բաքվում կայանալիք՝ Եվրոպալիգայի եզրափակչի խաղին:
Նա մասնավորապես անդրադառնալով հայազգի ֆուտբոլիստ, Լոնդոնի «Արսենալ»-ի կիսապաշտպան Հենրիխ Մխիթարյանի մասնակցությանը, նկատեց, որ ՀՀ արտգործնախարարությունը որևէ առարկություն չի ունենա Բաքվում կայանալիք խաղին հայազգի ֆուտբոլիստի մասնակցությանը, եթե Ադրբեջանի կողմից համապատասխան անվտանգության երաշխիքներ տրվեն, որոնք կբավարարեն նաև Մխիթարյանին:
«Ադրբեջանի կողմից անվտանգության երաշխիքներ չտրամադրելը և ենթադրյալ հայկական ծագում ունեցող երկրպագուների մուտքի արգելքը ոչ այլ ինչ է, քան ռասիստական դրսևորում, ինչը կասկածի տակ է դնում այդ երկրում միջազգային միջոցառումների անցկացումը»,- ասաց Աննա Նաղդալյանը:
Նրա դիտարկմամբ՝ այս խաղով Ադրբեջանը հնարավորություն ուներ ցույց տալու, թե որքան է իրապես պատրաստ աշխատելու ժողովուրդներին խաղաղության նախապատրաստելու ուղղությամբ։ Սակայն ականատես եղանք ռասիզմի նոր դրսևորումների։ Բանականաբար, այս հանգամանքը բարձրացվելու է մեր միջազգային գործընկերների առջև»,- եզրափակեց ԱԳՆ խոսնակը։