Արցախի գլխին վտանգ է կախված․ զգուշացում՝ ճաքեր տալու մասին
Թեև վարչապետ Նիկոլ Փաշինյանը դեռ 2018 թվականի արտահերթ ընտրություններից առաջ հպարտորեն հայտարարեց, որ Մարտի 1-ի գործը բացահայտված է, սակայն իրականության զգացողությունը չկորցրած հասարակության հատվածի համար պարզ է, որ Մարտի 1-ի գործի բացահայտումը միայն Ռոբերտ Քոչարյանին նստեցնելով չէ․ դեռ պետք է պարզվեն 10 սպանությունների հեղինակների ինքնությունն, ու մարդիկ մարդ սպանելու համար կրեն համապատասխան պատիժ։
Այս օրերին ընդամենը քննվում է Քոչարյանի խափանման միջոց կալանավորումը փոխելու հարցը․ սա, կարելի է ասել, շատ փոքր նյուանս է այս տասնամյա վաղեմության գործում, բայց կարողացել է խաղաքարտերը խառնել ոչ միայն Հայաստանում, այլ նաև Արցախում։
Արցախի ներկա և նախկին նախագահների՝ Բակո Սահակյանի և Արկադի Ղուկասյանի՝ իրենց մարտական ընկերոջը նեղության մեջ չթողնելու քայլը հայաստանյան իշխանության կողմից արժանացել է շատ լուրջ հակազդեցության՝ խորացնելով լևոնտերպետրոսյանական՝ արցախցի և հայաստանցի ջրբաժանը։
Այս ջրբաժանն արդեն անզեն աչքով է նկատելի դարձել, ինչի գիտակցումով էլ Արցախում գործող մի շարք քաղաքական ուժեր հայտարարություն են տարածել։
Ըստ այդ քաղաքական ուժերի՝ վերջին օրերին Արցախի և Հայաստանի իշխանությունների միջև նույնիսկ անզեն աչքով նկատելի խզումը մտահոգիչ է և հղի անկանխատեսելի հետևանքներով:
«Եվ վերջ, հարգելի իշխանավորներ, անկախ ձեր անձնական ամբիցիաներից, գրաված դիրքից, թե բարձրագույն կոչումներից, սա Հայաստան է և վերջ:
Մենք դատապարտում ենք յուրաքանչյուր անխոհեմ քայլ, ինչը վնաս է հասցնում մեր միասնականությանը, դատապարտում ենք Մայր Հայրենիքում մեծամասնության վստահությանը արժանացած վարչապետի հանդեպ հեգնանքի ու արհամարհանքի յուրաքանչյուր դրսևորում, դատապարտում ենք հայերին ղարաբաղցիների ու հայաստանցիների տարանջատելու ցանկացած փորձ:
Խորապես ափսոսում ենք, որ և Հայաստանում, և Արցախում քաղաքական որոշ գործիչներ այդպես էլ մնացին ինքնահաստատման փուլում»:
Բնականաբար, հայտարարություն անողները մնացել են կոռեկտության սահմանում՝ զերծ մնալով առավել կոշտ ձևակերպումներից:
Իհարկե, նրանք բացեիբաց չէին կարող անուններ տալ, այդ կոռեկտությունը պահանջում էր նաև հորդորել հեղափոխության առաջնորդի հանդեպ հեգնանք չտարածել, բայց եթե նույն հեղափոխականների կողմից հայաստանցի և արցախցի ջրբաժանը շարունակվի և խորանա, այդ պարագայում արդեն տեսանելի կլինեն ճաքեր, իսկ այդժամ նույն հայտարարություն անողները ստիպված կլինեն իրերը կոչել իրենց անուններով։
Այս հայտարարությունն ընդամենն Արցախի գլխին ներքին լարվածության և հակաքարոզչության, Արցախը հեղափոխության օջախ դարձնելու սպառնալիքի արդյունքում մի մեծ վտանգի մասին ազդանշան է, որը պետք է ընկալի այս ճաշն եփող «թավշյա» իշխանությունը՝ գիտակցումով, որ եթե Արցախում ճաքեր սկսվեն, նախքան ինքն այնտեղ հեղափոխություն կանի, այդ ճաք տված ներքաղաքական իրավիճակից կօգտվի Արդրբեջանը։
Ի դեպ, ներքաղաքական լարված իրավիճակներն օգուտ սահմանների առաջ տալու օգտագործելու մասին երեկ խոսեց նաև 2-րդ նախագահ Ռոբերտ Քոչարյանը։
Նա դատարանին հիշեցրեց, որ Արցախն Ադրբեջանի երեք շրջան կարողացել է գրավել բացառապես այն բանի շնորհիվ, որ կարողացել է արագ կողմնորոշվել Ադրբեջանում տիրող ներքաղաքական խժդժություններից։
Մի խումբ երիտասարդներ «Ռոյալ» ակումբում Պզոյին ծեծի են ենթարկել
Վարդան Ղուկասյանը կարևոր հայտարարություն է արել (տեսանյութ)
Հավաքվել ենք, որ մեր գյուղը փրկենք, հետո էլ ամբողջ Հայաստանը. տավուշցի փոքրիկներ (տեսանյութ)
«Քո բոլոր ընկերները սա են նայում, իրենց ընտանիքները սա են նայում, պատկերացնո՞ւմ ես»․ Աննա Հակոբյանը՝...
Որտե՞ղ է սիթքոմներով ապրած ու իր խաղացած կերպարների տակ մնացած Հայկ Մարությանը
Երևանում 34-ամյա որդին Ավանում սպանել է մորը, ապա գնացել Կիևյան կամուրջ և այնտեղից իրեն ցած նետել
Ինչ ցանել ես, այն էլ կհնձես. Ծիծեռնակաբերդում տեղի ունեցած միջադեպից հետո թերեւս, արժե թարմացնել ՔՊ-...
Խմբագիր Անժելա Թովմասյանին ոստիկանները բռնի ուժով փորձում են բերման ենթարկել (տեսանյութ)
Ինչպես է Աննա Հակոբյանն ինքնամոռաց պարում «Ամառ» ռեստորանում (տեսանյութ)
«Թքեմ Նիկոլի ու իրա կնգա երեսին». փողոցային առևտրով զբաղվող քաղաքացի (տեսանյութ)
