«Ձեզ քվե են տվել, որպեսզի ծառայեք քաղաքացիներին և ոչ թե նրանց խաբեք ու փորձեք մոնիպուլացնել»․ Գևորգ Գորգիսյան (տեսանյութ)
Երբ խոսում ենք քաղաքապետի կատարած թերացումների մասին և խոսում ենք մոտ մեկ տարի առաջ տեղի ունեցած Երևանի ավագանու ընտրություններից՝ չենք կարող չասել, որ դրանք պարզապես քաղաքապետի ընտրություններ չէին։
Այդ մասին ԱԺ նիստի հայտարարությունների ժամանակ ասաց «Լուսավոր Հայաստան» խմբակցության պատգամավոր Գևորգ Գորգիսյանը։ Նա նկատեց, որ քաղաքապետի ընտրությունները չեն եղել դասական ընտրություններ և հիշեցրեց, որ ընտրական քարոզարշավի ժամանակ այն շրջանում արդեն վարչապետի պաշտոնը ստանձնած Նիկոլ Փաշինյանն էր քարոզարշավ իրականացնում Հայկ Մարությանի համար։
«Երբ մենք ասում ենք, որ Նիկոլ Փաշինյանն է պատասխան տալու Հայկ Մարությանի թերացումների համար, դա ասում ենք այն պատճառով, որ Հայկ Մարությանի քարոզարշավը գլխավորել է այդ պահի դրությամբ ՀՀ գործող վարչապետ վարչապետ Նիկոլ Փաշինյանը և նրան էլ հենց տրվել է վստահության քվե»,- նկատեց Գորգիսյանը և հավելեց․ «Ձեզ քվե են տվել, որպեսզի ծառայեք քաղաքացիներին և ոչ թե նրանց խաբեք ու փորձեք մոնիպուլացնել»։
Մանրամասները՝ տեսանյութում