Հետևեք ձեր իսկական մղումներին. դրանք կարող են ձեր կործանման պատճառը դառնալ
ԱԺ նախկին փոխնախագահ Արփինե Հովհաննիսյանն իր ֆեյսբուքյան էջում մեջբերում է արել Հերման Հեսսեի ստեղծագործություններից մեկից, ապա հետգրությամբ ակնարկել իր ասելիքը: Արփինե Հովհաննիսյանի գրառումը՝ ստորև.
«Իշխանասերը կործանվում է իշխանությունից, դրամասերը՝ դրամից, ստրուկը՝ստրկությունից, զվարճասերը՝ զվարճությունից։
Այպես էլ Տափաստանի գայլը կործանվեց իր անկախությունից։ Նա հասավ իր նպատակին՝ ավելի ու ավելի անկախ դարձավ, ոչ ոք նրան ոչինչ հրամայել չէր կարող, ոչ մի բանի նա չպետք է ընտելանար, նա ինքն էր միշտ վճռում իր գործերն ու իրավունքները։
Քանի որ յուրաքանչյուր ուժեղ մարդ անպայման հասնում է այն բանին, ինչը որոնելուն ձգտում է նրա իսկական մղումը։
Պարզվեց, որ մենակությունը եւ անկախությունը այլեւս նրա ցանկությունը եւ նպատակը չէին, այլ նրա բախտը, նրա դատապարտվածությունը…
Հերման Հեսսե «Տափաստանի գայլը»
Հ.Գ. Հետեւեք ձեր իսկական մղումներին մարդիկ (ուժեղ), դրանք կարող են ձեր կործանման պատճառը դառնալ...»