Արտաշես Քյարամյանի հայտարարագրած գումարը կինն է բերել իր հետ (տեսանյութ)
Պետական վերահսկողական ծառայության պետի ժամանակավոր պաշտոնակատար Արգիշտի Քյարամյանը դիրքորոշումը փոխել է։ Այժմ նա հարմարվել է այն մտքին, որ անկացած պաշտոնյա, այդ թվում նաև ինքը, հանրության առաջ հաշվետու է:
Այդ մասին նա հայտարարեց կառավարության նիստից հետո լրագրողների հետ զրույցում։ Դեռ նախորդ նիստից հետո Քյարամյանը հայտարարել էր, թե ինքը հաշվետու չէ և չի պատրաստվում ասել, թե որտեղից են իր հաշվին այդքան գումարներ կուտակվել։
Ու քանի որ հանրության շրջանում նրա այս հայտարարությունը քննարկման առարկա դարձավ Քյարամյանը ՊՎԾ-ի ֆեյսբուքյան էջում պարզաբանում տեղադրվեց, թե՝ քեռին է տվելմ իրեն այդ գումարը։
Քյարամյանը նկատեց, որ ինքը դատախազությունում ծառայության է անցել 2016թ. հունիսին, իսկ 2017թ. ներկայացրել է հայտարարագիր, որում, ըստ էության, ներառվել է քննարկման առարկա դարձած ողջ ունեցվածքը, այդ թվում շարժական ու անշարժ գույք և դրամական միջոցներ:
«Այսինքն ստացվում է, որ իմ ներկայացրած առաջին իսկ հայտարարագրում ես ամբողջությամբ ներառել եմ վերոնշյալ ունեցվածքը»,- ասաց երիտասարդ պաշտոնյան։
Նա խոստովանեց, այդ ունեցվածքը չի ձևավորվել աշխատանքային գործունեության ընթացքում.
«Եթե հայտարարագրված ունեցվածքը ձևավորվել է անձնական կյանքի այլ ոլորտներում, որը ներառում է անձնական կյանքը, կարծում եմ՝ այդ առումով այլևս ասելու բան չունեմ»,-ասաց Քյարամյանը՝ ակնարկելով, կինը ևս մասնակցություն ունի իր ունեցվածքի հարցում։
«Ես շատ վաղ եմ ամուսնացել, քան որևէ պետական պաշտոն ստանձնելը և կինս այդ գումարներն ունեցել է մեր ամուսնությունից առաջ, և հենց առաջին իսկ հայտարարագրում ես այդ գումարները նշել եմ»,-եզրափակեց Քյարամյանը։