Ավտոմաքսատան պետը ևս ազատման դիմում է գրել, ո՛չ ես, ո՛չ պարոն վարչապետը իրավունք չունենք մարդուն ազատենք. Դավիթ Անանյան (տեսանյութ)
Դուք կենտրոնացել եք մի փոքր էպիզոդի վրա, որը, ձեր կարծիքով, առերևույթ ինչ-որ սենսացիա է պարոնակում: Այդ մասին լրագրողներին ասաց Պետական եկամուտների կոմիտեի նախագահ Դավիթ Անանյանը՝ պատասխանելով լրագրողների բազմաթիվ հարցերին, որոնք առնչվում էին ավտոմաքսատան աշխատակցին՝ Փաշինյանի արած «դիմումդ կգրես, կգնաս տուն, լսեցի՞ր» արտահայտությանը:
Լրագրողների դիտարկմանը, թե դա մարդկային ճակատագրի հարց է, Անանյանը պատասխանեց, որ մարդային ճակատագրի հարց չկա:
«Այն, ինչ որ վարչապետը տեսավ և իր դուրը չեկավ, որոշակի մտքեր արտահայտեց և կոչ կամ հորդորներ ասաց: Կոչին և հորդորներին մեր աշխատակիցը պատասխանել է իր դիմում գրելով և ոչ միայն տվյալ աշխատակիցը, այլ նաև ավտոմաքսատան պետը՝ Հայկ Միրզոյանը ևս ազատման դիմում է գրել: Էդ մարդկանց ընտրությունն է»,- իրավիճակը նկարագրեց Անանյանը:
Նա ընդգծեց, որ գլխավոր պատասխանտուն ինքն է, ՊԵԿ նախագահն է պատասխանատվություն կրում ամեն ինչի համար: Եթե ակնկալում եք, որ ես դիմում գրեմ, հեռանամ, ապա դա կլինին փախուստ այն ահռելի պարտականություններից, որոնք ես վերցերլ եմ ինձ վրա, հետևաբար՝ եկեք պայմանավորվենք՝ ես դիմում չեմ գրելու, ես վարչապետի կոչ-հորդորին չեմ արձագանքելու իմ դիմոմով: Եթե դուք ուզում եք սենսացիա, ես ասացի այդ սենսացիան: Մնացած բոլոր աշխատակիցներին ոչ ոք ոչ մի բան չի ասել, մենք իրավունք չունենք՝ ո՛չ ես, ո՛չ պարոն վարչապետը, իրավունք չունենք մարդուն ազատենք կամ չազատենք»:
Դիտարկմանը, թե վարչապետը ևս մեկ անգամ վերահաստատել է իր խոսքը, թե մի բանը մեկ անգամ է ասում, Անանյանը կրկնեց, որ դա կոչ-հորդոր է, ես հանձնարարական չեմ դիտարկում:
«Ես բավարարել եմ աշխատակցի դիմումը, որն իր ընտրությունն է, մաքսատան ղեկավարի դիմումը գրվել է, որը ես բավարարելու եմ: Ինքն այդպիսի ցանկություն է հայտնել, որ ազատման դիմում է ներկայացնելու: Ես հարգում եմ իր ցանկությունը»: