Սպանության մեջ մեղադրվող 19-ամյա «Մողեսիկը» գնում է պապի հետքերով. «վիզ է դրել» «օրենքով գող» դառնալ. shamshyan.com
SHAMSHYAN.com-ի տեղեկություններով՝ Հայաստանի քննչական կոմիտեի Երևան քաղաքի քննչական վարչության Էրեբունի և Նուբարաշեն վարչական շրջանների քննչական բաժնի պետ, արդարադատության գեներալ-մայոր Արթուր Գոյունյանի որոշմամբ ստեղծված քննչական խմբի ղեկավար, նույն քննչական բաժնի պետի տեղակալ Ռոման Մախմուդյանը միջնորդություն է ներկայացրել Երևան քաղաքի ընդհանուր իրավասության դատարան, որպեսզի դատարանը որպես խափանման միջոց ընտրի հետախուզման մեջ գտնվող, Երևան քաղաքի Սարի Թաղի բնակիչ, 19-ամյա Աշոտ Գրիգորյանի նկատմամբ:
Ա. Գրիգորյանի նկատմամբ Էրեբունու և Նուբարաշեն վարչական շրջանների քննչական բաժնի պետ, Ա. Գոյունյանի որոշմամբ հարուցվել է քրեական գործ ՀՀ քր օր-ի 104 հոդվածի 1-ին մասի (դիտավորյալ սպանություն) և 112 հոդվածի 1-ին մասի (ծանր մարմնական վնասվածք պատճառելու) հատկանիշներով:
Կայքի տեղեկություններով՝ դատարանը դռնփակ դատական նիստն անցկացնելուց և խորհրդակցական սենյակից վերադառնալով՝ բավարարել է քննչական բաժնի պետի տեղակալի միջնորդությունը և Ա. Գրիգորյանի նկատմամբ որոշում է կայացվել: Եթե նա հայտնաբերվի կամ մեղայականով ներկայանա իրավապահներին, տեղափոխվելու է Նուբարաշենի բանտ:
Ա. Գրիգորյանը, ով ընկերական շրջապատում ավեի շատ հայտնի է «Մողեսիկ» մականվամբ, 2018 թ.-ի դեկտեմբերի 24-ին Երևանում Սարի Թաղի 1-ին փողոցում դանակի գործադրմամբ ծանր մարմնական վնասվածք էր պատճառել մի քաղաքացու: Իսկ այս տարվա մարտի 19-ին էլ Երևանում դանակի մի քանի հարվածներով սպանել էր Շիրակի մարզի Նահապետավան գյուղում ապրող 29-ամյա Համբարձում Եզեկյանին: Սպանությունը տեղի էր ունեցել մարդաշատ վայրում՝ «Քուին Բուրգեր» սննդի կետոի դիմաց, որից հետո «Մողեսիկը» դիմել էր փախուստի:
Կարճ ժամանակ անց ոստիկաններն ու քննիչները պարզել էին, որ սպանությունը կատարել է նա:
***
18:00
Քիչ առաջ հայտնի դարձավ, որ հետախուզման մեջ գտնվող «Մողեսիկ» մականվամբ Աշոտ Գրիգորյանը մեղայականով ներկայացել է ոստիկանության Էրեբունու բաժին, քանի որ նա արդեն տեղակացված է եղել, որ Երևան քաղաքի ոստիկանության քրեական հետախուզության բաժնի, ոստիկանության Էրեբունու բաժնի և Հայաստանի քննչական կոմիտեի Երևան քաղաքի քննչական վարչության Էրեբունի և Նուբարաշեն վարչական շրջանների քննչական բաժնի քննիչները արդեն բավականին զորեղ փաստեր են ձեռք բերել, որ և Սարի Թաղի դանակահարությունը և «Քուին Բուրգերի» մոտ տեղի ունեցած սպանությունը կատարել է ինքը ու ոստիկանների և քննիչների բացատրական աշխատանքների արդյունքում այլ ելք չունենալով՝ ներկայացել է իրավապահներին:
Նա իր ընկերներին հայտնել է, որ ինքը «վիզ դնող» տղա է ու գնալու է պապու հետքերով և «վիզ է դնելու», որ հանցագործ աշխարհում «օրենքով գող» կարգվի:
Նյութն ամբողջությամբ՝ սկզբնաղբյուր կայքում: