Ադրբեջանցի մայրերը պատասխանեցին Աննային
Շատ կարճ ժամանակ է անցել վարչապետի տիկին Աննա Հակոբյանի և սևազգեստ մայրերի հետ հանդիպումից:
«Կանայք հանուն խաղաղության» նախաձեռնության շրջանակներում Աննայի ուղեկցությամբ Արցախում էին Ռուսաստանի հասարակական, քաղաքական, գրական, մեդիա ոլորտների գործիչներ։ Նրանք մեկնել են առաջնագիծ, որտեղ խաղաղության իրենց ուղերձն էին հղել հակամարտության կողմերին։
Աննա Հակոբյանը շատ ծավալուն ելույթ էր ունեցել և կոչով դիմել ոչ միայն հայ սևազգեստ մայրերին, այլ նաև ադրբեջանցի:
«Մենք կոչ ենք անում ադրբեջանցի կանանց և մայրերին՝ միանալ այս արշավին և նույն ուղերձը հղել քաղաքական որոշումներ կայացնողներին։ Ադրբեջանում, սակայն, առայժմ չեն շտապում նման քայլի գնալ, ինչն իսկապես տարակուսելի է։ Նշանակո՞ւմ է դա, արդյոք, որ այնտեղ մայրերն անտարբեր են իրենց որդիների կյանքի հանդեպ։ Իհարկե՝ ոչ, չի կարող նման բան լինել։ Ադրբեջանից ստացվող արձագանքները վկայում են, որ նրանք պարզապես անվստահությամբ են մոտենում այս նախաձեռնությանը, դրա տակ փնտրում են քաղաքական տարբեր ենթատեքստեր, և ոչ միայն իրենք չեն միանում այս արշավին, այլև փորձում են մյուսներին հետ պահել այդ քայլից։ Բայց որպեսզի ամեն ինչ հստակ լինի, ուզում եմ ևս մեկ անգամ շեշտել՝ մենք չենք խոսում հակամարտության ծագման, դրա լուծման տարբերակների մասին, մենք այդ ծանր աշխատանքը հաճույքով զիջում ենք տղամարդկանց, բայց մենք վստահաբար հորդորում ենք նրանց՝ այդ ընթացքում խնայել հայաստանցի և ադրբեջանցի երիտասարդների կյանքերը, չմեծացնել սևազգեստ մայրերի բանակները երկու կողմից էլ»։
Այս բովանդակությամբ տպավորիչ ելույթ էր ունեցել տիկին Աննան ու մինչ հայկական կողմը խոսում է խաղաղության նախապատրաստման մասին, Ադրբեջանը տալիս է դրա պատասխանը:
Հրապարակվում է ադրբեջանցի մայրերի լուսանկարը՝ զենքերը ձեռքերին բռնած:
Այս լուսանկարը գալիս է փաստելու, որ ադրբեջանցիները ոչ թե խաղաղության են նախապատրաստվում, այլ պատերազմի: Զենքը ձեռքին նկարված ադրբեջանցի զոհված զինվորի մայրը կռիվ տալու քաղաքականության մասին է վկայում. Ակհնայտ է, որ այդ լուսանկարը ունի քաղաքական ենթատեքստ կամ որ նույնն է՝ Ադրբեջաննա այս լուսանկարով հասկացնում է, որ խաաղության նախապատրաստվելու կոչերին չի հետևում: