Ավինյանին կաշին փրկել չստացվեց
Կառավարության այսօրվա նիստում վարչապետ Նիկոլ Փաշինյանը պարզեց, որ Հայաստանում կան հարյուրավոր մարդիկ, որոնք արդեն երեք ամիս է՝ աշխատավարձ չեն ստանում։
Փաշինյանն այդ մասին էլի չէր իմանա, եթե նրան դրա վերաբերյալ նամակ չուղարկեին։
Կառավարության այսօրվա նիստի սկզբում Փաշինյանը հայտարարեց, որ նամակ է ստացել, համաձայն որի՝ Հայաստանում «Արմատ» ինժեներական լաբորատորիաների շուրջ 260 խմբակավար, որոնք 350 խմբակ են վարում, արդեն երեք ամիս է, ինչ վարձատրություն չեն ստացել:
«Ես ուզում եմ հասկանալ՝ այսպիսի բան հնարավո՞ր է 21-րդ դարում, որ պետական աշխատողները երեք ամիս աշխատավարձ չստանան»։
Վարչապետի այս հարցադրմանը շտապեց պատասխանել Կրթության և գիտության նախարար Արայիկ Հարությունյանը։
Նա նշեց, որ այդ լաբորատորաների ֆինանսավորումը նախորդ տարիներին դրամաշնորհով է եղել, այս տարի մրցութայինի է փոխվել, ինչի վերաբերյալ «Արմատ»-ն առարկություն է հայտնել:
«Մենք բանակցել ենք և Ֆինանսների նախարարության հետ քննարկել ենք նախագիծը»,- ասաց նախարարը, ում պատասխանն է՛լ ավելի զայրացրեց վարչապետին։
Արայիկ Հարությունյանին շտապեց օգնության հասնել Ֆինանսների նախարար Ատոմ Ջանջուղազյանը՝ փորձելով լարված կրքերը հանդարտեցնել ու հայտարարել, որ աշխատավարձերը չեն վճարվել ոչ թե նրա համար, որ բյուջեում փող չկա, այլ ընդամենը տեխնիկական պատճառներով։
Իսկ փոխվարչապետ Տիգրան Ավինյանն էլի փորձեց կամացուկ առաջարկել, որ կարող են այս հարցը ներառել այսօրվա օրակարգ և այսօր էլ քննարկել, ու հենց այստեղ էր, որ ռումբը պայթեց․ Փաշինյանը մատ թափ տվեց ու ասաց, որ վերջ տան վերջին վայրկյանին օրենսդրական նախագծերը կառավարություն բերելու իրենց սովորությանը, չքննարկված նախագծի վերաբերյալ որոշում կայացնելու առաջարկին, չէ՞ որ հետո էլ կպարզվի, որ դրա մեջ կար մի կետ, որը մի այլ տեղ այլ խնդիր է ստեղծում։
«Ոչ, երեք ամիս ժամանակ է անցել, պետք էր ժամանակին քննարկել, ընթացք տալ։ Ամեն ինչ վերջին րոպեին անելու սովորությունից էլ պետք է հրաժարվել։ Ոչ թե վարչապետը նամակ ստանա, գա, ասի՝ էս ի՞նչ ա եղել, սեղանի ոտի տակից հանեք նախագիծը, ասեք՝ դնենք նիստում, քննարկենք»,- թեման փակեց Փաշինյանը, որից հետո Ավինյանին այլ բան անել, քան լռել, չէր մնում։
Առհասարակ, Փաշինյանն այսօրվա նիստին շատ նյարդային էր, երկրում ծավալվող դժգոհության ալիքն արդեն իրեն էլ է սկսել հասնել, ուստի ստիպված է արդեն ուղիղ եթերում շատ կոպիտ նկատողություն անել իր թիմակիցներին, որովհետև այլևս անհնար է այսպես շարունակել։
Ինչպես և որտեղ է հայտնաբերվել 36 կիլոգրամ գողացված ոսկին, ինչ կապ ունի Զապի փեսան․ բացառիկ տեսանյութ...
«Զգացի, էդ երեխան չի կարողանում ռույլը շարժել, ոչինչ չէր աշխատում». «Ուրալի» վթարից վիրավորված կին
Բերման են ենթարկել Լիլիթ Ավետիսյանին
Արմեն Չարչյանի հորեղբոր դուստրը մասնակցել է Աննա Հակոբյանի 1մլն դրամանոց բարեգործական ընթրիքին (լուս...
Արցախից խաղաղապահների շտապ դուրս գալը կարող է կապված լինել Ադրբեջանում սպասվող զարգացումներով․ Դանիե...
Վա՜յ, նայա հլա, ինչ բնությու՜ն, նայա՜,Փաշինյան ջան, մեռնեմ գլխուդ դխկ ու ցխկին. Խոպանչին ուղերձով դի...
Քրեական պատմություններով հայտնի նորատուսցի Արայի «յաշիկը» երթևեկում է հանդիպակաց գոտով (տեսանյութ)
Ովքեր են մասնակցել Աննա Հակոբյանի «խորհրդավոր» ընթրիքին
Վարդենիսում տաքսու վարորդն ու ևս մեկ տղամարդ 13-ամյա աղջկա են բռնաբարել. բժիշկները պայքարում են նրա ...
Մարդիկ եկել էին սատարելու, որ սա մեր հայրենիքն է, և նահանջելու տեղ չկա․ «Տավուշը հանուն հայրենիքի»
