Անտեղյակ պրոֆեսիոնալը
Ազգային ժողովի «Իմ քայլը» խմբակցության պատգամավոր Սուրեն Գրիգորյանը չի հասկանում, թե ինչո՞ւ են իշխանությանը հարցնում, թե արդյոք Օպերայի տարածքում գտնվող սրճարանների ապամոնտաժումն իրականացնելն այնքան արդիական և հրատապ հարց էր, որ իշխանությունը հենց դրանից էլ պետք է սկսեր։
Գրիգորյանը հարց է հնչեցնում․ բա ի՞նչ աներ։
Խոստովանեք, որ իշխանական պատգամավորի այս արձագանքը, մեղմ ասած, հասարակական տրամադրությունների և երկրում օր օրի աճող դժգոհության ալիքի ֆոնին, ոչ համարժեք է։ Տպավորություն է, որ երիտասարդն առհասարակ չի տիրապետում իրավիճակին՝ կտրված է դրանից։
Սուրեն Գրիգորյանը, թեև իր քաղաքական թիմի հետ իշխանության եկավ ժողովրդին կրծքով պաշտպանելու կոչերով, չի հասկանում նաև, թե ինչո՞ւ են օպտիմալացման արդյունքում հացին կարոտ մնացող աշխատողները դժգոհում կառավարության քայլերից։
Գրիգորյանը վստահ է՝ մասնավորում այդ կրճատված և շարիկ գլորող աշխատակիցները անպայման աշխատանք կգտնեն։
«Լավ մասնագետները ոսկու արժեք ունեն»,- ասում է նորելուկ պատգամավորը՝ մոռանալով, որ դա գուցե վերաբերվի մի քանի տասնյակի, բայց ոչ երբեք 10 000 ՀՀ այլևս ոչ հպարտ քաղաքացու։
Երիտասարդը տեղյակ չէ, որ մասնավոր հատվածը լոճվող մարմին չէ, որ կարողանա այսքան անգործի աշխատանքի տեղավորել, հետևաբար, նրանց այլ բան չի մնում, քան բռնել արտագաղթի ճանապարհը։
Ու այստեղ էլ քննադատության չի դիմանում պատգամավորի այն թեզը, թե իսկական պրոֆեսիանալն իր տեղն անպայման կգտնի։ Այստեղ ուզում ես հարցնես․
իսկ ձեր 88 հոգանոց խմբակցությունից քանի՞սն էին պրոֆեսիոնալ, այդ քանի՞սդ եք տեղյակ՝ ի՞նչ ասել է օրենսդիր մարմին, ի՞նչ ասել է օրենք գրել, քաղաքական հարցադրումներ անել, Ազգային ժողով ներկայացող վարչապետին քաղաքական և ոչ թե պոպուլիստական հարցադրումներ անել։
Թավշյա հեղափոխությունից հետո իշխանության եկած պաշտոնյաների միակ պնդումն այն է, որ պրոֆեսիոնալն այս երկրում չի կորի, և այստեղ անհնար է չհակադարձել՝ դուք եք պրոֆեսիանալը, լուլունե՞րն են պրոֆեսիոնալը, թե գրանտակերության հաշվին մեկ-երկուսի իրավունքի պաշտպանության մասին գոռացող որոշ պատգամավորներ։
Պրոֆեսիոնալ ենք այնքանով, որ բացի ձեր ֆեյսբուքյան էջերից, որևէ այլ տեղ արտահայտվել չեք կարող․ ձեր պրոֆեսիոնալիզմի արդյունքում եք, այո, հարկատուների հաշվից ստանում բարձր աշխատավարձ, թեև ամիսներ անց արձանագրել եք Օ արդյունավետություն օրենսդիր մարմնում՝ ապացուցելով, որ բացի կառավարության օրենքները դակելուց որևէ այլ լուրջ գործով զբաղվել չեք կարող։
«Զգացի, էդ երեխան չի կարողանում ռույլը շարժել, ոչինչ չէր աշխատում». «Ուրալի» վթարից վիրավորված կին
Բերման են ենթարկել Լիլիթ Ավետիսյանին
Արցախից խաղաղապահների շտապ դուրս գալը կարող է կապված լինել Ադրբեջանում սպասվող զարգացումներով․ Դանիե...
Արմեն Չարչյանի հորեղբոր դուստրը մասնակցել է Աննա Հակոբյանի 1մլն դրամանոց բարեգործական ընթրիքին (լուս...
Վարդան Ղուկասյանը կարևոր հայտարարություն է արել (տեսանյութ)
Վա՜յ, նայա հլա, ինչ բնությու՜ն, նայա՜,Փաշինյան ջան, մեռնեմ գլխուդ դխկ ու ցխկին. Խոպանչին ուղերձով դի...
Քրեական պատմություններով հայտնի նորատուսցի Արայի «յաշիկը» երթևեկում է հանդիպակաց գոտով (տեսանյութ)
Ովքեր են մասնակցել Աննա Հակոբյանի «խորհրդավոր» ընթրիքին
Վարդենիսում տաքսու վարորդն ու ևս մեկ տղամարդ 13-ամյա աղջկա են բռնաբարել. բժիշկները պայքարում են նրա ...
Մարդիկ եկել էին սատարելու, որ սա մեր հայրենիքն է, և նահանջելու տեղ չկա․ «Տավուշը հանուն հայրենիքի»
