Հայ-ռուսական հարաբերություններում առկա անվստահությունը շարունակվում է
Ռուսաստանցի ռազմական փորձագետ Իգոր Կորոտչենկոյին հայաստանյան հանրությունը բավականին լավ ծանոթացել է վերջին 10 ամսվա ընթացքում։ Վերջինս այդ ժամանակահատվածում բավական կոշտ գնահատականներ է հնչեցրել Նիկոլ Փաշինյանի՝ տարերային արտաքին քաղաքական կուրսի առնչությամբ, խոսել հայ-ռուսական հարաբերություններում Փաշինյանի իշխանության գալուց հետո սկսված լարվածության և վստահության ճգնաժամի մասին։
Ասում են, որ Կորոտչենկոն պատահական մարդ չէ և Կրեմլի քարոզչական համակարգում իր ուրույն դերն ունի որպես բարձրագույն ռուսական իշխանությունների ասելիքը փորձագիտական շրջանակներում փոխանցող։ Հերթական ու ամենաթարմ հայտարարությունները, որոնք նա արել է Հայաստանի մասով, կրկին ապացուցում են, որ անկախ այն հանգամանքից, որ Փաշինյանը ձգտում է ամեն կերպ շահել Կրեմլի բարեհաճությունը, Մոսկվայում, սակայն, շարունակում են հիշել հասցված վիրավորանքները և առանձնապես չեն վստահում նրան։
Այս անգամ Մոսկվայի ուշադրության կենտրոնում է հայտնվել «ՆԱՏՕ-ի շաբաթ» միջոցառումը, որն անցկացվելու է Երևանում` մարտի 11-18-ին։ Այն իրականացվում է ՆԱՏՕ-ի՝ Հայաստանի հետ անհատական գործընկերության ծրագրի շրջանակներում։ Կորոտչենկոն ուղիղ տեքստով է այս անգամ էլ ասել, որ նման միջոցառման անցկացումը Երևանում՝ մի երկրի մայրաքաղաքում, որը Ռուսաստանին իր ռազմավարական դաշնակիցն ու գործընկերն է համարում, անընդունելի է։
Հետաքրքրական է այն, որ ժամանակին Մոսկվայում Սերժ Սարգսյանի մասին էլ էին նույնն ասում՝ օգտագործելով «ուզում է միանգամից երկու աթոռի վրա նստել» արտահայտությունը։ Հիմա նույն արտահայտությունը հասցեագրվում է արդեն Նիկոլ Փաշինյանին։ Շատ հետաքրքրական է այն, որ Կորոտչենկոն ուղիղ բացում է Մոսկվայի հնարավոր ակնկալիքը՝ չեղարկել այդ միջոցառումը և այդ քայլով ապացուցել, որ անկեղծորեն դաշնակից է Ռուսաստանին։
Ընդ որում, ինչը շատ կարևոր է ֆիքսել, Կորոտչենկոն պարզ ասում է, որ իրենց համար պարզ է, թե ինչու Փաշինյանը Սիրիա ուղարկեց մարդասիրական զորախումբ․ հայ-ռուսական հարաբերություններում այժմ առկա նեգատիվն ու անվստահությունը մեղմելու համար, սակայն դա կարծես թե առանձնապես չի համոզել ռուսական ստրատեգներին, հատկապես RT-ի բացահայտումներից հետո և նրանք ավելին են ուզում տեսնել Նիկոլ Փաշինյանից։
Մի խումբ երիտասարդներ «Ռոյալ» ակումբում Պզոյին ծեծի են ենթարկել
«Զգացի, էդ երեխան չի կարողանում ռույլը շարժել, ոչինչ չէր աշխատում». «Ուրալի» վթարից վիրավորված կին
Վարդան Ղուկասյանը կարևոր հայտարարություն է արել (տեսանյութ)
Հավաքվել ենք, որ մեր գյուղը փրկենք, հետո էլ ամբողջ Հայաստանը. տավուշցի փոքրիկներ (տեսանյութ)
Որտե՞ղ է սիթքոմներով ապրած ու իր խաղացած կերպարների տակ մնացած Հայկ Մարությանը
«Քո բոլոր ընկերները սա են նայում, իրենց ընտանիքները սա են նայում, պատկերացնո՞ւմ ես»․ Աննա Հակոբյանը՝...
Երևանում 34-ամյա որդին Ավանում սպանել է մորը, ապա գնացել Կիևյան կամուրջ և այնտեղից իրեն ցած նետել
Վարդենիսում տաքսու վարորդն ու ևս մեկ տղամարդ 13-ամյա աղջկա են բռնաբարել. բժիշկները պայքարում են նրա ...
«Թքեմ Նիկոլի ու իրա կնգա երեսին». փողոցային առևտրով զբաղվող քաղաքացի (տեսանյութ)
Ոսկեպարի բնակիչները հայտարարել են, որ Փաշինյանն իրենց այլ բան էր խոստացել
