ՉԼ-ի գործող չեմպիոն «Ռեալ»-ը խայտառակ պարտություն կրեց «Այաքս»-ից ու լքեց պայքարը (լուսանկարներ)
Չեմպիոնների լիգայի ընթացիկ մրցաշրջանի 1/8 եզրափակչի պատասխան խաղում Մադրիդի «Ռեալ»-ը հյուրընկալել էր Ամստերդամի «Այաքս»-ին։
Գործող չեմպիոններն առաջին խաղում մրցակցի հարկի տակ հաղթել էին հոլանդական թիմին՝ 2։1 հաշվով։
Այս խաղը, սակայն, որքան բեկումնային էր հյուրերի համար, նույնքան մղձավանջային՝ տանտերերի համար։
Նախ, հանդիպման 7-րդ րոպեին խաղի հաշիվը բացեց Զիեշը, այնուհետև Ներեսը կրկնապատկեց հյուրերի առավելությունը՝ 18-րդ րոպեին։ Այդ հաշվով էլ թիմերն ընդմիջման գնացին։ Երրորդ գնդակը մադրիդցիների դարպասում հայտնվեց Տադիչի հարվածից հետո։
«Ռեալ»-ի կազմում պատասխան գոլ խփեց փոխարինման դուրս եկած Ասենսիոն՝ 70-րդ րոպեին։ Մադրիդցիների ուրախությունը կարճ տևեց. Շյոնեն տուգանայինից իրացված շեշտակի հարվածով հանկարծակիի բերեց բելգիացի դսրպասապահ Տիբո Կուրտուային։
«Ռեալ» 1 - 4 «Այաքս»
Այսպիսով ընդհանուր 3։5 հաշվով Արքայական ակումբը լքեց հետագա պայքարը։