«Շուտով կունենանք»․ մեկ տարի է անցել, իսկ «շուտով»-ները դեռ «ներկա» չեն դառնում
Այսօր Ազգային ժողովի նախագահ Արարատ Միրզոյանը հույս հայտնեց, որ ԱԺ օրակարգը շուտով հագեցած կլինի։ Նա արձագանքում էր այն դիտարկումներին, որ ԱԺ օրակարգն աղքատիկ է, նիստերը կարճ են, և լուրջ քննարկումներ չեն լինում։
Իրականում պատկերը հենց այդպիսին է՝ ինչպես նկարագրվել է։ Այսօրվա նիստում, օրինակ, ընդգրկված էր ընդամենը 3 հարց։ Սա այն դեպքում, երբ նախկին իշխանության օրոք հագեցած օրակարգը ոչ միայն քառօրյա նստաշրջանն էր լրացնում, այլև երբեմն արտաժամանային ու արտահերթ քննարկումներ էր պահանջում։
Որոշ տվյալների համաձայն՝ երեկ՝ մարտի 4-ին, շատ կարճ ու անբովանդակալից է եղել նաև ԱԺ խորհրդի նիստը․ այն նույնիսկ 10 րոպե չի ձգվել։
Թերևս այսօրինակ նիստերն էլ քննադատությունների առիթ են դարձել․ օրակարգը որակվում է չհագեցած ու անբովանդակալից։
Արարատ Միրզոյանն արդարացնելով երևույթը՝ նկատել է, թե աղքատիկ օրակարգի պատճառն օբյեկտիվ է, իսկ մեղավորն՝ ընտրությունները։ Նա մասնավորապես ասել է․
«Նախկինում ԱԺ ընտրությունները տեղի էին ունենում մայիսին, որից հետո մինչև այս փուլին հասնելը ԱԺ-ն ունենում էր երկու-երեք ամիս ժամանակ, և այդ ընթացքում բավականին հարցեր էին կուտակվում։ Այս դեպքում մենք աշխատանքները սկսել ենք ընտրություններից մեկ ամիս հետո, բնականաբար, մեծ ժամանակահատված չի եղել»։
Այսինքն՝ 3 ամիսն ԱԺ պատգամավորների համար ընդհանրապես ժամանակ չէր օրակարգում ընդգրկելու բազմաթիվ կարևորագույն հարցեր։ Թեկուզ և այն հարցերի շղթան, որոնց մասին Միրզոյանն ու իր թիմակիցները բարձրացրել են այն ժամանակ, երբ ընդդիմություն էին։
Բացի այդ, հարկ է նկատել, որ այս ընթացքում խորհրդարանական մյուս կուսակցությունների կողմից ևս առաջ են քաշվել կարևոր նախագծեր, որոնք, չգիտես ինչու, կառավարությունը մերժել է և չի ուղարկել ԱԺ քննարկման։
Կարելի կարծել, թե նոր իշխանությունն ուզում է տպավորություն ստեղծել, թե երկրում հարցեր չկան լուծելու, ամեն ինչ կարգին է, որ Հայաստանը եդեմ է դարձել, և ի վերջո՝ երևի այդ կերպ ուզում են ցույց տալ, որ իսկապես «իրավիճակ է փոխվել»․․․
Սակայն երևի իշխանությունները չէին հաշվարկել․ էյֆորիան անցնում է, մարդիկ սթափվում են ու հասկանում, որ իրականում իրենց կյանքում ոչինչ չի փոխվել։ Իսկ ավելի կոնկրետ՝ ամեն ինչ ավելի է վատանում թե՛ արտաքին քաղաքականության, թե՛ ներքին քաղաքական ու նաև տնտեսական կյանքում։
Ու հավանաբար դա էր պատճառը, որ Միրզոյանը փորձեց հուսադրող հայտարարություն անել․
«Վստահեցնում եմ, որ շուտով կունենանք հագեցած օրակարգ»․․․
Նախ պետք է նկատել, որ իշխանության հայտարարած «շուտովները» մեկ տարվա ընթացքում այդպես էլ չդարձան «ներկա»․ այսօրվա իշխանության նմանատիպ «հուսադրող» և «վստահեցնող» առաջին հայտարարությունները հնչել են դեռ նախորդ տարվա մարտին վերջերին՝ շարժման առաջին օրերին։ Մինչդեռ այն, ինչ փոխվեց՝ իշխանությունն էր, ու մարդկանց վիճակը դրանից ավելի լավը չդարձավ, քանի որ առաջընթացի փոխարեն, աստիճանաբար հետընթաց սկսեց գրանցվել։
Այնպես որ, դժվար է ասել, թե ի վերջո՝ ե՞րբ է լինելու Միրզոյանի խոստացված «շուտովը» և, ընդհանրապես, արդյոք նրա «հուսադրող» խուստումը ևս չի դառնա «սառույցին գրված» հերթական անկատարը։
Մի խումբ երիտասարդներ «Ռոյալ» ակումբում Պզոյին ծեծի են ենթարկել
Վարդան Ղուկասյանը կարևոր հայտարարություն է արել (տեսանյութ)
Հավաքվել ենք, որ մեր գյուղը փրկենք, հետո էլ ամբողջ Հայաստանը. տավուշցի փոքրիկներ (տեսանյութ)
«Քո բոլոր ընկերները սա են նայում, իրենց ընտանիքները սա են նայում, պատկերացնո՞ւմ ես»․ Աննա Հակոբյանը՝...
Որտե՞ղ է սիթքոմներով ապրած ու իր խաղացած կերպարների տակ մնացած Հայկ Մարությանը
Ինչ ցանել ես, այն էլ կհնձես. Ծիծեռնակաբերդում տեղի ունեցած միջադեպից հետո թերեւս, արժե թարմացնել ՔՊ-...
Երևանում 34-ամյա որդին Ավանում սպանել է մորը, ապա գնացել Կիևյան կամուրջ և այնտեղից իրեն ցած նետել
Խմբագիր Անժելա Թովմասյանին ոստիկանները բռնի ուժով փորձում են բերման ենթարկել (տեսանյութ)
Ինչպես է Աննա Հակոբյանն ինքնամոռաց պարում «Ամառ» ռեստորանում (տեսանյութ)
«Թքեմ Նիկոլի ու իրա կնգա երեսին». փողոցային առևտրով զբաղվող քաղաքացի (տեսանյութ)
