Եղել է իշխանափոխություն և ոչ թե հեղափոխություն. հասարակությունը սկսում է հիասթափվել. քաղաքագետ
Քաղաքագետ Հայկ Մարտիրոսյանի դիտարկմամբ՝ այսօր հասարակությունը պահանջատեր չէ իր հեղափոխության համար:
Նա լրագրողների հետ զրույցում նկատեց, որ արտաքին քաղաքականության մասին պատկերացում նախկինում չի եղել, հիմա էլ չկա և անհայտ է, թե ինչ լինելու, քանի որ որևէ արմատական փոփոխություն տեղի չի ունենում:
«Մենք չունենք գաղափարախոսություն, մենք չունենք անգամ գաղափար, թե ինչ ճանապարհով ենք ցանկանում գնալ»,- ասաց քաղաքագետը:
Վերլուծելով տեղի ունեցածը՝ քաղաքագետը գալիս է այն եզրահանգման, որ եղել է իշխանափոխություն և ոչ թե հեղափոխություն:
Արձագանքելով դիտարկմանը, թե հասարակության գերակշռող մասն այսօր կարծում է, որ դեռ պետք է սպասել, որպեսզի նոր իշխանությունները կարողանան շոշափելի արդյունքներ ունենալ, քաղաքագետը նկատեց, որ հասարակությունը և ժողովուրդը չպետք է անընդհատ ների իշխանությանը:
«Ես ցավ եմ ապրում, որ նոր իշխանությունից հասարակությունը սկսում է հիասթափվել: Եթե իշխանություններն ինչ-որ պահի չարդարացնի սպասումները, պետք է պահանջել, որ հեռանա»,- ասաց նա: