«Փաստ». Ի՞նչ գույք եւ դրամական միջոցներ է հայտարարագրել նախարար Զարուհի Բաթոյանը
«Փաստ» թերթը գրում է.
«ՀՀ աշխատանքի եւ սոցիալական հարցերի նախարար Զարուհի Բաթոյանը Բարձրաստիճան պաշտոնատար անձանց էթիկայի հանձնաժողովին է ներկայացրել 2019թ.՝ աշխատանքի եւ սոցիալական հարցերի նախարարի պաշտոնը ստանձնելու հայտարարագիրը:
Հրապարակված փաստաթղթից տեղեկանում ենք, որ Զարուհի Բաթոյանը հայտարարագրել է բնակարան:
Նախարարի պաշտոնը ստանձնելու օրվա դրությամբ . Զ. Բաթոյանի դրամական միջոցները կազմել են 500 000 ՀՀ դրամ եւ 335 եվրո: 2019թ. հունվարի 1-ից մինչեւ պաշտոնական պարտականությունները ստանձնելու օրը ստացված եկամուտների վերաբերյալ տվյալներ չկան:
Նշենք, որ մինչ նախարարի պաշտոնին նշանակվելը, Զարուհի Բաթոյանը զբաղեցնում էր աշխատանքի եւ սոցիալական հարցերի նախարարի տեղակալի պաշտոնը:
Հավելենք, որ 2016 թվականի հոկտեմբերի 30-ին նա ընտրվել է «Քաղաքացիական պայմանագիր» կուսակցության վարչության անդամ: 2017 թվականին «ԵԼՔ» խմբակցության ցուցակով ընտրվել է Երեւանի ավագանու անդամ»:
Մանրամասները՝ թերթի այսօրվա համարում