Գրանտակերների հատուկ առաքելությունը բացահայտված է (լուսանկար)
NEWSPRESS.am-ն իր հրապարակումներում բազմիցս անդրադարձել է արևմտյան գրանտներով սնվող և օտար արժեքներ մեր երկիր մտցնող գրանտակեր կառույցների ազգակործան դերին և նշանակությանը։
Հետաքրքրական է, որ այդ կառույցներն ուղղորդված ձևով աշխատանք են տանում պետության հիմքերն ապահովող այնպիսի ոլորտներում, ինչպիսիք են կրթությունն ու բանակը։
Բանակի թեմային կանդրադառնանք հաջորդիվ` ներկայացնելով գրանտակերների գերկենտրոնացվածությունը ՀՀ զինված ուժերի վրա, իսկ մինչ այդ՝ հասկանանք կրթության ոլորտում գրանտակերների, մասնավորապես՝ սորոսականների քայլերն ու դրանց իրական նպատակները։
Վստահաբար` բոլորի համար էլ ակնհայտ է, որ Երևանի պետական համալսարանում կատարվողն ուղղորդված հատուկ ֆինանսավորված գործարք է սորոսականների և ԵՊՀ մի խումբ ակտիվիստների կողմից։
Արդեն գրել ենք, որ այդ ակտիվիստները ոչ միայն արժանացել են 20 հազար դոլար գրանտի, այլ նաև դարձել են սորոսական ՀԿ-ների կողմից կազմակերպված մի միջոցառման հաղթող, ստացել պատվոգիր՝ լավ աշխատանքի համար։
Ի դեպ, ուզում եմ հիշեցնել, որ այն միջոցառումը, որը կազմակերպվել և իրականացվել է սորոսական ՀԿ-ների կողմից, ներկա էր նաև Ազգային անվտանգության խորհրդի քարտուղար Արմեն Գրիգորյանը․ նրա ներկայությունն այդ դաշտում խիստ մտահոգիչ է։
Ինչևէ՝ ԵՊՀ-ի և Արամ Սիմոնյանի դեմ արշավն արդեն իսկ ապացուցված փաստ է, իսկ Արամ Սիմոնյանին ԵՊՀ ռեկտորի պաշտոնում հաջորդողի անվան հայտնությունն էլ գալիս է ամրագրելու, որ պետությունն այստեղ լրջագույն քայլեր իրականացնելու անհրաժեշտություն ունի։
Պարզվում է՝ Արամ Սիմոյանին սորոսականները փոխարինում են Արայիկ Հարությունյանի մտերիմներից՝ Հովհաննես Հովհաննիսյանով։ Իսկ Հովհաննես-Արայիկ հարաբերությունների մասին խայտառակ բացահայտում էր արել Ցեղասպանության թանգարան-ինստիտուտի տնօրեն Հայկ Դեմոյանը․ նրա գրառման մանրամասներին նախընտրում ենք չանդրադառնալ։
Հովհաննիսյանը նաև սորոսական կերակրատաշտից ակտիվ սնվողներից է։
Նրան ևս գրանտներ են բաժին հասել հանրային քաղաքականության ինստիտուտի աշխատանքներն իրականացնելու համար։ Ի դեպ՝ նա այս հարցում ունեցել է նաև համախոհ, որը կրկին Արայիկ Հարությունյանի թիմակիցն է: Խոսքը նախարարի տեղակալ Արևիկ Անապիոսյանի մասին է, որին անդրադարձանք վերջերս։ Նա ևս հայտնի է որպես գրանտակեր։
Ստեղծված իրավիճակում պահանջում ենք երկրի բարձրագույն ղեկավարության արձագանքն ու պարզաբանումն այն մասին, թե ինչու է երկիրը հայտնվել սորոսականների ձեռքում։