«Փաստ». Արամ Դանիելյանին ձերբակալելու որոշումը կայացվել էր դեռևս հուլիսին
«Փաստ» թերթը գրում է.
«Հրազդանի նախկին քաղաքապետ Արամ Դանիելյանի ձերբակալությունը ոմանք համարում են ՀՀ իշխանությունների հերթական քաղաքական վենդետան «նախկին ռեժիմի սպասարկողների» հանդեպ: Ըստ այդմ, համարվում է, որ կատարվածը պարզապես քաղաքական որոշում է:
Ի դեպ, «Փաստ» թերթի տեղեկություններով, գործող իշխանությունները Դանիելյանին ձերբակալելու հարցում որոշում էին կայացրել դեռևս 2018-ի հուլիսի վերջին, սակայն որոշել են ավելորդ լարվածություն չստեղծել այդ փուլում:
Ըստ մեր զրուցակիցներից մեկի, որը երկար տարիներ քաղաքականության մեջ է և որը չցանկացավ անունը հրապարակել, Փաշինյանն ու թիմակիցները դեռևս չեն կարողանում մոռանալ իրենց առաջին քաղաքական պարտությունը, երբ Հրազդանում Սասուն Միքայելյանը պարտվեց Արամ Դանիելյանին:
Ինչ վերաբերում է հենց այս օրերին թեման ակտիվացնելուն, ապա մեր աղբյուրների պնդմամբ, փորձ է արվում մարտի 1-ին ընդառաջ հանրությանը պահել «գծի» մեջ, մինչև հստակեցվեն հետագա անելիքները»:
Մանրամասները՝ թերթի այսօրվա համարում: