Այս սիրո և հանդուրժողականության «թավշյա ճաշը» դուք եք եփել, կերե՛ք այն
Էջմիածնի քաղաքապետ Դիանա Գասպարյանը հպարտությամբ հայտարարել է, որ պատրաստվում է դատական գործընթաց սկսել իր անձը վիրավորորղ զրպարտությունների համար։ Դիանան նույն հպարտությամբ նաև հավելել է, որ պատրաստվում է դատական կարգով բռնագանձված գումարը, մինչև վերջին լուման, նվիրաբերել Էջմիածնի մանկապարտեզներին։
Սա թավշյա հեղափոխականների հերթական սինդրոմն է. հիշեցնենք, որ ֆեյսբուքյան գրառման համար դատական հայց էր ներկայացրել նաև Կոտայքի մարզպետ Ռոմանոս Պետրոսյանը՝ իրեն զրպարտելու համար պահանջելով դրամական փոխհատուցում՝ այն կրկին բարեգործությանն ուղղելու նպատակով։
Պարզվում է՝ Դիանան կրկնօրինակում է մարզպետ Պետրոսյանին։ Հիշեցնենք, որ Էջմիածնի քաղաքապետը ֆեյսբուքյան իր էջով է սպասվող իրադարձությունների մասին տեղեկացրել․
«Ֆեյսբուքյան օգտատեր Կարինե Մարտիրոսյանն իր անձնական էջում, ինչպես նաև մի շարք այլ էջերում պարբերաբար հանդես է գալիս ինձ ուղղված վիրավորական արտահայտություններով, որոնց երկար ժամանակ փորձել եմ ուշադրություն չդարձնել՝ ցուցաբերելով հանդուրժողականություն: Այնուամենայնիվ, քանի որ վիրավորանքներն անցել են բոլոր թույլատրելի սահմանները, հայտարարում եմ, որ այսուհետ յուրաքանչյուր վիրավորանքի և զրպարտության դեպքով հետամուտ եմ լինելու իմ իրավունքների պաշտպանությանը՝ օգտագործելով ՀՀ օրենսդրությամբ նախատեսված բոլոր մեխանիզմները»։
Անփորձ քաղաքապետուհին չի զլացել և հատ առ հատ թվել է այն արտահայտությունները, որոնք իրեն դուր չեն եկել․
«Այսպես, իմ կողմից գրություն էր ուղարկվել Կարինե Մարտիրոսյանին՝ առաջարկելով ներողություն խնդրել իր գրառումներից մեկում օգտագործված «անամոթ», «անլվա», «ստախոս» բառերի համար, որին ի պատասխան այդ կինը հանդես է եկել մեկ այլ՝ ավելի շատ վիրավորական արտահայտություններ պարունակող գրառմամբ:
Այսպես, հայտնում եմ ձեզ, որ պատրաստվում եմ դիմել դատարան՝ իմ հասցեին հնչեցված «անլվա կենդանի», «կենդանաբնազդ Դիանիկ», «ամոթից զուրկ», «աներես անզգամ կենդանի», «գարշահոտ աղբ», «չկա աշխարհում այնպիսի լպրծուն սողուն, որը դու ես», «գարշափնթի կերպար» և այսօրինակ բոլոր վիրավորանքների համար՝ պահանջելով հրապարակային ներողություն և փոխհատուցում:
Դատարանի կողմից որպես փոխհատուցում տրամադրված գումարը մինչեւ վերջին լուման պատրաստվում եմ ուղղել մեր քաղաքի մանկապարտեզներին»,- գրել է Գրիգորյանը։
Ստացվում է՝ հեղափոխությամբ, նախկին իշխանությունների հասցեին ամենատարբեր հայհոյանքներ հնչեցնող, աջ ու ձախ մերժող, քաղաքական գործիչներին դագաղներ ու սգո ծաղիկներ ուղարկող մարդիկ այլևս չեն հանդուրժում իրենց հասցեին հնչող որևէ քննադատություն՝ անկախ նրանից, դա էթիկայի սահմաններում է, թե ոչ։
Այո՛, գուցե Դիանայի հարցում մի փոքր չափն անցել են, բայց որքան են այդ չափն անցնում թավշյա հեղափոխականները․ լինի դա Հանրապետական նախկին պատգամավոր, իշխանության հասցեին քննադատություն հնչեցնող քաղաքագետ ու հարգարժան փորձագետ․ նրանք արժանանում են նոր իշխանավորների զոմբիների ամենագռեհիկ արտահայտություններին ու հայհոյանքներին։ Ճիշտ է՝ իշխանավորներն այդ ամենը բարդում են ֆեյսբուքյան կեղծ օգտատերերի վրա ու աջ ու ձախ բարձրաձայնում իրենց սիրո և հանդուրժողականության մասին, որի նշույլն անգամ նոր Հայաստանում չի երևում։
Չգիտեի՞ն Դիանան ու իր «վերևները», թե ովքեր են օճառ տանում պատգամավորների՝ ընդհուպ մինչև տները, գոռգռում նրանց պատուհանի տակ, զանգահարում անգամ նախկին պատգամավորների ընտանիքների անդամներին: Այն ժամանակ ո՞ւր էր Դիանան, ինչո՞ւ մի թույլ բերան չէր ասում, թե սա սիրո հեղափոխություն է, թավշյա, և այդ պահվածքն անթույլատրելի է: Թե՞ թիրախում ինքը չէր, ու իր սրտից էր այդ ստոր արարքները: Հիմա ուղտն իր դռանն է չոքել, հների «ղադրը» կհասկանա:
Այո՛, Դիանա, դժվար է հայհոյանք լսելը, ուստի դատարաններում բարի համբավ ու նման բաներ պաշտպանելուց առաջ, ինքներդ թույլ մի տվեք, որ ձեր իրական ու կեղծ երկրպագուները նման կերպ վարվեն հների հետ․ ի վերջո, կա հայտնի ճշմարտություն՝ ինչ ցանում, այն էլ հնձում ես․․․․
Այնպես որ, այս ճաշն ինքներդ եք եփել, կերեք այն...
Մի խումբ երիտասարդներ «Ռոյալ» ակումբում Պզոյին ծեծի են ենթարկել
«Զգացի, էդ երեխան չի կարողանում ռույլը շարժել, ոչինչ չէր աշխատում». «Ուրալի» վթարից վիրավորված կին
Վարդան Ղուկասյանը կարևոր հայտարարություն է արել (տեսանյութ)
Հավաքվել ենք, որ մեր գյուղը փրկենք, հետո էլ ամբողջ Հայաստանը. տավուշցի փոքրիկներ (տեսանյութ)
Որտե՞ղ է սիթքոմներով ապրած ու իր խաղացած կերպարների տակ մնացած Հայկ Մարությանը
«Քո բոլոր ընկերները սա են նայում, իրենց ընտանիքները սա են նայում, պատկերացնո՞ւմ ես»․ Աննա Հակոբյանը՝...
Երևանում 34-ամյա որդին Ավանում սպանել է մորը, ապա գնացել Կիևյան կամուրջ և այնտեղից իրեն ցած նետել
Վարդենիսում տաքսու վարորդն ու ևս մեկ տղամարդ 13-ամյա աղջկա են բռնաբարել. բժիշկները պայքարում են նրա ...
«Թքեմ Նիկոլի ու իրա կնգա երեսին». փողոցային առևտրով զբաղվող քաղաքացի (տեսանյութ)
Ոսկեպարի բնակիչները հայտարարել են, որ Փաշինյանն իրենց այլ բան էր խոստացել
