Զոհրաբ Մնացականյանի տարօրինակ հայտարարությունը
Դեռ շաբաթներ առաջ, կամ նույնիսկ Մնացականյան-Մամեդյարով փարիզյան հանդիպումից հետո էլ, որ տեղի ունեցավ հունվարի 16-ին, լուրեր շրջանառվեցին, ընդ որում, և′ Երևանի, և′ Բաքվի, այսպես ասած, լուռ կամ կիսաձայն քաջալերանքով, որ Հայաստանի և Ադրբեջանի ԱԳ նախարարները հանդիպելու են փետրվարի 15-17-ը Մյունխենում տեղի ունենալիք Անվտանգության միջազգային կոնֆերանսի շրջանակներում և քննարկելու են Ղարաբաղյան հակամարտության կարգավորման հարցը, ինչպես նաև՝ Հայաստանի և Ադրբեջանի ղեկավարների առաջիկա հանդիպման հարցը։
Դավոսում Փաշինյան-Ալիև հանդիպումից հետո այդ խոսակցությունները բավական առարկայական էին ու գրեթե կիսապաշտոնական։ Սակայն որքան էլ զարմանալի է, նույն կոնֆերանսի շրջանակներում, հայտնի է դարձել, որ Մնացականյան-Մամեդյարով առանձին հանդիպում չի պլանավորվել և հնարավոր հանդիպում պետք է ընկալել ոտքի վրա իրար տեսնել ողջունելը և մեկ երկու նախադասություն փոխանակելը։ Համենայն դեպս, այդպիսին է տպավորությունը ՀՀ ԱԳ նախարար Զոհրաբ Մնացականյանի արած հայտարարությունից։
ՀՀ ԱԳ նախարարը, մասնավորապես, ասել է, որ առանձին հանդիպում որպես այդպիսին չի նախատեսվել, սակայն դա չի նշանակում, թե ինքն ու Մամեդյարովը չեն կարող հանդիպել կոնֆերանսի ժամանակ, ասենք՝ միջանցքում, իրար ողջունել և խոսել, հատկապես որ նման խնդիր ինքն ու ադրբեջանական արտաքին քաղաքական գերատեսչության ղեկավարը, չունեն։
Սա շատ տարօրինակ է, քանի որ ընդամենն օրեր առաջ և′ Բաքվից Մամեդյարովն էր այլ բան ասում, և′ Երևանից էին այլ տոնայնությամբ հայտարարություններ հնչում։ Նույնիսկ այնքան այլ տոնայնությամբ ու այնքան այլ բան էին ասում, որ գրեթե բոլորի համար էր պարզ, որ այդ սպասվող հանդիպմանը քննարկվելու էր նաև Մինսկի խմբի եռանախագահների առաջիկա այցը տարածաշրջան։ Իսկ ահա ընդամենը մի քանի օր անց նման կարելի է ասել կտրուկ շրջադարձ։
Սակայն հարցը միայն այս մասով չէ տարօրինակ, այլ այն, որ այսքանն ասելուց հետո Մնացականյանը հավելել է, որ աշխատանքները շարունակվում են։
Ի՞նչ աշխատանքներ են շարունակվում, ինչի՞ ուղղությամբ են շարունակվում աշխատանքները, խոսքը Փաշինյան-Ալիև հանդիպման մասի՞ն է, թե՞ այլ ուղղություն էլ կա, դժվար է ասել։ Սրա փոխարեն հանդիպել են Զոհրաբ Մնացականյանն ու ՌԴ ԱԳ նախարար Սերգեյ Լավրովը և քննարկել են նաև Ղարաբաղյան կարգավորմանն առնչվող հարցեր։ Թե ինչու Մյունխենում չի եղել հանդիպում՝ ոչ մի հիմնավորում։ Կարելի է, սակայն, ենթադրել, որ Դավոսյան հանդիպումից հետո, որը ամենայն հավանականությամբ ԱՄՆ կողմից էր կազմակերպված, նպատակահարմար չի դիտվել կրկին Արևմուտքի հողում նման հանդիպում կազմակերպել։ Իսկ թե ինչու՝ երևի թե ցույց կտա ժամանակը։
Մի խումբ երիտասարդներ «Ռոյալ» ակումբում Պզոյին ծեծի են ենթարկել
«Զգացի, էդ երեխան չի կարողանում ռույլը շարժել, ոչինչ չէր աշխատում». «Ուրալի» վթարից վիրավորված կին
Վարդան Ղուկասյանը կարևոր հայտարարություն է արել (տեսանյութ)
Հավաքվել ենք, որ մեր գյուղը փրկենք, հետո էլ ամբողջ Հայաստանը. տավուշցի փոքրիկներ (տեսանյութ)
Արցախից խաղաղապահների շտապ դուրս գալը կարող է կապված լինել Ադրբեջանում սպասվող զարգացումներով․ Դանիե...
Երևանում 34-ամյա որդին Ավանում սպանել է մորը, ապա գնացել Կիևյան կամուրջ և այնտեղից իրեն ցած նետել
Վարդենիսում տաքսու վարորդն ու ևս մեկ տղամարդ 13-ամյա աղջկա են բռնաբարել. բժիշկները պայքարում են նրա ...
«Թքեմ Նիկոլի ու իրա կնգա երեսին». փողոցային առևտրով զբաղվող քաղաքացի (տեսանյութ)
Ոսկեպարի բնակիչները հայտարարել են, որ Փաշինյանն իրենց այլ բան էր խոստացել
Դիմում ենք դաշնակից ՌԴ իշխանություններին և բարեկամ ռուս ժողովրդին՝ խաղաղապահ զորախմբի դուրսբերման գո...
