«Կուզեի՞ր պապադ Նիկոլը լիներ, բայց մազերիդ տեղը խառը կանաչի աճեր»․ Ազատամարտիկի որդին հոր հացադուլի համար պատասխանատվություն չի կրում
Հացադուլ հայտարարած ազատամարտիկ, պատերազմի հաշմանդամ Մհեր Մազմանյանը որդին՝ Տիգրան Մազմանյանը ֆեյսբուքյան իր էջում գրառում է կատարել, որտեղ նշել է, թե պատասխանատվություն չի կրում իր հոր արարքների համար։
Նա մասնավորապես գրել է․
«Այսօր մամուլից տեղեկացա,որ Մհեր Մազմանյանը(հայրս) հացադուլ է հայտարարել:
Կխնդրեի ինձ չդիմել այդ թեմայի հետ կապված որևէ հարցով ես նույնիսկ չգիտեմ պահանջը կամ իմաստը։
Մի փորձեք այդ փաստը ներկայացնել ձեզ ձեռնտու ձևով։
Ես եղել եմ հեղափոխության մասնակից Փաշինյանի կողքին և կլինեմ մինչև վերջ ամեն փոփոխություն միանգամից չի լինում։
Ամեն մարդ ունի իր իրավունքները»։
Նա իր գրառման վերջում ավելացրել է #ԱմենԻնչԼավաԼինելու» հեշթեգը։
Ֆեյսբուքյան օգտատերերի շրջանում որդու արարքը քննարկումների առիթ է դարձել։ Օգտատերերից Լիլիթ Հակոբյանն էլ իր մեկնաբաությունն է թողել գրառման ներքո։
«Ճիշտն ասա, կուզենայի՞ր, որ պապադ Նիկոլը լիներ, բայց մազերիդ տեղը խառը կանաչի աճեր»․․․
Ավելի վաղ հայտնել էինք, որ կինոռեժիսոր Հովհաննես Գալստյանը հացադուլին միացել է նաև ազատամարտիկ Մհեր Մազմանյանը։
Հիշեցնենք, որ փետրվարի 13-ից Հովհաննես Գալստյանը հացադուլի միջոցով բողոքի ակցիա է ձեռնարկել՝ Մշակույթի նախարարությունից և կինոկենտրոնից պահանջելով, որ իրեն տրամադրեն դեռևս 4 տարի առաջ հաստատված գումարը, որի միջոցով պետք է ավարտին հասցվի իր «Տատիկիս վարսերը» ֆիլմը: Նա նկատել է, որ Կինոկենտրոնն իր նկատմամբ անձնական թշնամաք ունի, այդ պատճառով էլ պարտավորված գումարը չի հատկացնում: