Առևտուրն ավարտված է. «Ծռերը» պետք է ետ գնան բանտ
Ոստիկանապետ Վալերի Օսիպյանը դատարանում հայտարարեց՝ առարկում է, որ «Սասնա Ծռերի» գործով մեղադրյալների նկատմամբ համաներում կիրառվի: Օսիպյանը նշեց, որ եթե ընկերներ կորցրած չլիներ՝ գուցե և այս հարցում այլ դիրքորոշում ունենար:
ՀՀ ոստիկանապետի այս դիրքրոշումն ու առարկությունը կդառնան պատճառ, որ շուրջ 60 մարդ ազատազրկման ենթարկվի, քանի որ բացի բուն «Ծռերից», այդ գործով այլ մեղադրյալներ էլ կան:
Փաստորեն, «Սասնա Ծռերի» գործով ավելի քան 20 ամիս ձգվող դատավարությունը կշարունակվի անորոշ ժամանակով:
Ստացվում է՝ վետո դրվեց համաներման վրա, և դա Նիկոլ Փաշինյանն արեց Օսիպյանի ձեռքով:
Համաներումը, որն արտահերթ խորհրդարանական ընտրություններից առաջ Նիկոլ Փաշինյանի համար դարձել էր քաղաքական դիվիդենտներ շահելու միջոց, ծառայեց իր նպատակին. Փաշինյանը վերցերց օրենսդիր և գործադիր իշխանությունները, չեզոքացեց «Ծռերի» կողմից իր հասցեին ցանկացած սուր արտահայտություն, կանխեց ի նշան բողոքի պետական կարևոր նշանակության որևէ օբյեկտ «Ծռերն» աջակիցների կողմից պաշարելու որևէ հնարավորություն, իսկ հիմա «Ծռերն» իրեն պետք չեն. պետք է վերադառնան բանտ:
Եվ սա է կոչվում է իսկական քաղաքական առևտուր, իսկ Փաշինյանը՝ հմուտ առևտրական: