Մարդասպանի կինն այդպես էլ սպանվածի ապրելու իրավունքի գինը չհասկացավ
Այսօր երեկոյան ցմահ դատապարտյալ, մարդասան Մհեր Ենոքյանի կինը՝ Զարուհի Մեջլումյանը խախտեց լռությունն ու հաստատեց՝ Նիկոլ Փաշինյանը ներում չի շնորհել իր ամուսնուն՝ մի մարդու, ով դաժանաբար սպանել է 18 ամյա երիտասարդի՝ սպանելով նաև մի ողջ ընտանիքի հույսն ու ապրելու ձգտումը:
Հասարակության ադեկվատ հատվածի համար սա ընդունելի որոշում է, մի քայլ, որի համար արժե շնորհակալություն հայտնել վարչապետ Փաշինյանին, ով գիտակցեց Մհերին ներելու սխալի աստիճանը:
Ցավալի է, սակայն, որ այդ գիտակցումը չունի Մհերի կինը՝ Զարուհի Մեջլումյանն, ում ֆեյսբուքյան գրառումը ծայրեծայր բողոք է, ատելություն ու արհամարհանք դեպի օրենքն ու իրավունքը:
Զարուհին խոսել է իր ու ամուսնու իրավունքի մասին՝ մոռանալով սպանվածի իրավունքները:
«Միամտաբար հավատում էի, որ Նոր Հայաստանում նեղ խմբային շահերը, հակաիրավականությունը, վերօրենսդրական մեթոդները, բիրտ ճնշումները, մարդուն բանտում թաղելու մասին ստորագրությունները չեն կարող ազդեցություն ունենալ հեղափոխական վարչապետի որոշման վրա»,- գրել է Ենոքյանի կինը՝ մոռանաով շեշտել, որ եթե այդ ստորագրությունները նպատակ ունեին թույլ չտալ անարդարություն, կամ, ինչպես ինքն է ասում, թաղել մարդուն բանտում, ապա այդ մարդն արդեն իսկ թաղել է:
Զարուհին մեղադրում է մամուլին՝ մարդասպաին հերոս չդարձնելու համար: Տարօրինակ է նման ձևակերպումը նախկին լրագրողի կողմից:
Մեջլումյանը նաև խոսել է տերովից ու անտերից՝ մոռանալով որ տերովի ու անտերի մասին կարող են խոսել այլ դատապարտյալներ, բայց ոչ Մհեր Ենոքյանն, ում համար աշխատել են գրանտակեր կառույցներ…
Ինչևէ, ընդունելով հանդերձ սիրող կնոջ՝ մարդասպան ամուսնուն ազատության մեջ տեսնելու երազանքը, չենք կարող չարձանագրել, որ Զարուհի Մեջլումյանն, ինչպես նաև Մհեր Ենոքյանն, այս ողջ ընթացքում խոսեցին միայն իրենց իրավունքի ու դրա նվաճման մասին՝ այդպես էլ չգիտեցելով, որ խլված է դիմացինի ամենակարևոր իրավունքը՝ ապրելու իրավունքը:
NEWSPRESS.am