Սննդից ու ջրից հրաժարվելը դատապարտյալի իրավունքն է. Արտակ Զեյնալյանը խոսել է Մհեր Եղիազարյանի պահման պայմանների մասին (տեսանյութ)
Շանթ հեռուստաընկերության «Հեռանկար»-ի հյուրն է արդարադատության նախարար Արտակ Զեյնալյանը: Նա խոսել է հունվարի 26-ին բանտում 44-օրյա հացադուլից հետո մահացած Մհեր Եղիազարյանի պահման պայմանների մասին, նշելով, որ սննդից ու ջրից հրաժարվելը դատապարտյալի իրավունքն է, որը կարգավորվում է օրենքով:
Հիշեցնենք, որ ըստ մեղադրանքի, «Հայոց Արծիվներ. Միասնական Հայաստան» կուսակցության փոխնախագահ, «Haynews.am» լրատվական կայքի պատասխանատու Մհեր Եղիազարյանը, խաբեությամբ ուրիշի գույքի հափշտակություն կատարելու դիտավորությամբ, 2014թ. փետրվարից մինչև 2018թ. հոկտեմբերն ընկած ժամանակահատվածում, անձամբ, կամ միջնորդների միջոցով, չարաշահելով ՀՀ մի շարք քաղաքացիների, այդ թվում առանձին զինծառայողների վստահությունը, ծառայության կամ աշխատանքի տեղավորելու, ծառայողական առաջխաղացման, կամ այլ տարաբնույթ հարցեր լուծելու համար, կաշառք տալու պատրվակով նրանցից պահանջել, ստացել և առանց որևէ գործողություն կատարելու խարդախությամբ հափշտակել է 180 հազար դրամից մինչև առանձնապես խոշոր չափերի հասնող՝ 10 հազար ԱՄՆ դոլարին համարժեք 4 մլն 775 հազար ՀՀ դրամ:
Դեպքի առթիվ ՀՀ ԱԱԾ քննչական դեպարտամենտում հարուցվել էր քրեական գործ, ՀՀ քրեական օրենսգրքի 178-րդ հոդվածի 3-րդ մասի 1-ին կետով և 34-312-րդ հոդվածի 3-րդ մասի 1-ին կետով։
Մանրամասները՝ տեսանյութում.