«Սա լրացուցիչ «արդարացում է» այն անձանց, ովքեր իրենց երեխաներին փախցնում են բանակից»
Փաստաբան Գևորգ Գյոզալյանը, անդրադառնալով զորակոչիկներին տեղափոխող ավտոբուսում տեղի ունեցած միջադեպին, իր ֆեյսբուքյան էջում գրել է.
«Եթե այս դեպքի առիթով քրեական գործ չհարուցվեց և մեղավորները խստագույնս չպատժվեցին, ապա դրա ՈՂՋ պատասխանատվությունը կրելու են ներկա իշխանությունները։ Սա ամենաթողություն է, սա խայտառակություն է, սա հզոր բանակ ունենալու երազանքի տոտալ բռնաբարում է, սա լրացուցիչ «արդարացում է» այն անձանց, ովքեր իրենց երեխաներին փախցնում են բանակից՝ այլ պետության քաղաքացիություն ձեռք բերելով։ Ասելիքս մեծ է, վախենամ՝ անցնեմ սահմանը․․․»: