Նորատուսցի Ալիկի արդարացման գինը. «կնքահայրը» Սասուն Միքայելյանն է
Հայաստանում իրավիճակ չփոխվելու մասին բազմիցս ենք գրել, քանի որ նոր իշխանություններն ամեն անգամ ապացուցում են, որ իրենք հներից տարբերվում են միայն ավելի վատը լինելով:
Եթե նախկինում ունեինք բանտում՝ Սասուն Միքայելյան, իսկ ազատության մեջ՝ Մանվել Գրիգորյան, այսօր ունենք բանտում՝ Մանվել, ազատության մեջ՝ Սասուն փոխատեղությունը:
Մի բան հստակ է՝ եթե բոլորս գիտեինք, թե ինչպես է գռփում Մանվելը, ապա Սասունի գռփածը ծածկադմփոց է արվում իր քաղաքական ղեկավարության կողմից և ներկայացվում հեղափոխական սուրբ տղա:
Սասուն Միքայելյանը, ով սանիկին պատգամավոր դարձրեց, որդուն՝ քաղաքապետ, ակտիվ մտածում է նաև քրեական հեղինակությունների ազատության, բարեկեցության մասին:
Այսպես, նրա միջնորդության շնորհիվ արդարացվեցին քրեական հեղինակություն Նորատուսցի Ալիկը՝ Ալիկ Բանդուրյանը և նրա թիկնապահը՝ Բդոն՝ Արմեն Գասպարյանը: Հրավիրում ենք ուշադրություն. նրանք ոչ թե ազատվեցին, այլ՝ արդարացվեցին:
Հիշեցնենք նաև, թե ինչու էին բանտում հայտնվել նրանք. «Լիա» գեղեցկության սրահի նկուղային հարկում կրակոցներ էին հնչել, որի հետեւանքով 25-ամյա Գևորգ Ավետիսյանը տեղում մահացել էր, իսկ հրազենային վիրավորում ստացած 38-ամյա Մուշեղ Մուշեղյանը և 35-ամյա Արամ Պետրոսյանը տեղափոխվել էին «Սուրբ Աստվածամայր» բժշկական կենտրոն: Ավելի ուշ, ստացած վնասվածքներից մահացել էր նաև Մուշեղ Մուշեղյանը:
Այսպես, NEWSPRESS.am-ին հայտնի է դարձել, թե ինչու որոշվեց ամեն դեպքում արդարացնել քրեական հեղինակություններին: Օդում առկախված լուրերի համաձայն՝ Նորատուսցի Ալիկն առաջարկ է ներկայացրել Սասուն Միքայելյանին՝ մի քանի միլիոն «վազվրատ անել» բյուջե, Սասուն Միքայելյանն էլ պետք է այդ փողերին «քավոր» կանգնի:
Փաստորեն, այս իշխանությունները սկսել են իրենց սեփական գողականները աճեցնել, եթե հիշում եք դեռևս սեպտեմբեր ամսին, երբ վարչապետ Նիկոլ Փաշինյանն այցելել էր Տավուշի մարզ և հանդիպել գործարարների հետ, առաջին շարքում նստած էր նաև Արթուր Ղազարյանը` «Տույը», խոսվում է այն մասին նաև, որ Տույը ևս աշխատում է այս քաղաքական թիմի համար:
Ստացվում է՝ Հայաստանում ինչ-որ չափ նաև արժեքների հեղափոխություն է տեղի ունեցել, Արցախյան պատերազմը հեղափոխությունից ստորադասող Սասուն Միքայելյանը կարող է բազմել իշխանական փափուկ աթոռին և հարցեր լուծել, իսկ միևնույն ժամանակ փառահեղ ուղի անցած տղաներն Արցախում պաշտոնից ազատվեն, ինչ է թե՝ մամուլի խոսնակը Սասուն Միքայելյանի կարծիքը քննադատել է:
Սա՞ էր երանելի հեղափոխությունը, իհարկե՝ ոչ: