Քոչարյանը կկալանավորվի․ այդպես է տրվել հրահանգը
Երեկ և այսօր Վերաքննիչ քրեական դատարանը քննում է ՀՀ երկրորդ նախագահ Ռոբերտ Քոչարյանի նկատմամբ ընտրված խափանման միջոց կալանավորման որոշումն անձեռնմխելիության հիմքով վերացնելու վերաբերյալ բողոքը, որին մասնակցում է Ռոբերտ Քոչարյանը։
Դատական նիստին մասնակցել է ՀՀ գլխավոր դատախազ Արթուր Դավթյանը։
Մեր տեղեկություններով՝ Դավթյանի՝ դատական նիստին մասնակցելը պատահական չի եղել, քանի որ օրեր առաջ ծանր խոսակցություն է տեղի ունեցել Դավթյանի և Փաշինյանի միջև։
Ըստ մեր հավաստի աղբյուրների՝ Փաշինյանը շատ հստակ է դրել հարցը Գլխավոր դատախազի առաջ՝ կա′մ պետք է փակել Քոչարյանին, կա′մ Դավթյանը կզրկվի իր պաշտոնից։
Սա արդարադատությունն ու քաղաքականությունն իրարից ամեն տեղ տարանջատելու կոչերով հանդես եկող վարչապետի պաշտոնակատարի հերթական «բեսպրիդելն» է, ինչը հարթակից Փաշինյանը մեկնաբանում է «ամեն ինչ ժողովրդի համար» քողի ներքո և երդում ուտում, որ որևէ քրեական գործով որևէ մեկին ինքը չի զանգում․ այո, այստեղ թերևս, Փաշինյանը ճիշտ է․ չի զանգում՝ կանչում ու կոնկրետ սպառնում է։
Ասվածի ապացույցն Արթուր Դավթրանի մասնակցությունն էր Ռոբերտ Քոչարյանի գործով դատական նիստին և նրա հայտարարությունը․
«Մեր դիրքորոշումն այն է, որ Ռոբերտ Քոչարյանը պետք է մնա կալանքի տակ: Եվ մենք բերում ենք մեր հիմնավորումները, որոնք վկայում են, որ քննության այս փուլում կա անհրաժեշտություն, որպեսզի երկրորդ նախագահը գտնվի կալանքի տակ: Թե ինչ որոշում կկայացնի դատարանը, կարծում եմ՝ դա գիտի միայն դատարանը»,- դատական նիստից հետո լրագրողների հետ զրույցում ասել է Դավթյանը։
Գիտակցելով, որ արդարադատությունը կոնկրետ ընթանում է քաղաքական պատվերով՝ Ռոբերտ Քոչարյանի փաստաբանները միջնորդել են, որ բողոքի քննության հարցը քննող դատավոր Ռուբեն Մխիթարյանն ինքնաբացարկ հայտնի։
Ռոբերտ Քոչարյանի պաշտպանական թիմի ներկայացրած միջնորդության վերաբերյալ որոշումը Վերաքննիչ դատարանը կհրապարակի այսօր՝ ժամը 17։00-ին։
Այսինքն՝ ընդամենը մի քանի ժամ անց հայտնի կդառնա, եթե Քոչարյանի գործը քննում է ներկայիս դատավորը, ապա անխուսափելիորեն Քոչարյանը կկալանավորվի, քանի որ այդպես է իջել պատվերը, իսկ եթե Քոչարյանի գործը քննող դատավորը փոխվի, կսպասենք նոր զարգացումների։
Ստացվում է՝ 17։00-ին հայտնի կդառնա՝ Դավթյանը կկորցնի իր պաշտոնը, թե կշարունակի մնալ դատախազ։
Իսկ մինչ 17։00-ն, պետք է արձանագրենք, որ արտահերթ խորհրդարանական ընտրություններից առաջ քայլերթ իրականացնող Փաշինյանին զայրացրել է քայլերթի սակավամարդությունը, և հասկացել է, որ երկիրը զարգացնելու, տված խոստումները կատարելու փոխարեն՝ այն պետք է է լցնել նոր էյֆորիայով, սևերի և սպիտակների թեզն արդեն հնացած է, հասարակության աչքին կրկին աստվածանալու, տված խոստումներիոց որևէ մեկը չկատարելու ֆոնին կրկին հերոսացում է պետք, որը Փաշինյանի համար կապահովի Քոչարյանի կալանավորումը։
Ի վերջո, երբ կալանավորված լինի Քոչարյանը, ՀՔԾ-ն էլ չի ընկնի աջ ու ձախ Մարտի մեկի գործ բացահայտելու համար։ Քոչարյանը կալանավորված է, բոլորը գոհ են ու երջանիկ։
Ի դեպ, շատ խելք պետք չէ հասկանալու համար, թե ինչու ՀՔԾ պետի ու ԱԱԾ տնօրենի մեկնաբանություններն այս առիթով:
Դատողություններն արեք ինքներդ։