Պորոշենկոն Ուկրաինայում ռազմական դրություն է հայտարարել մինչև հունվարի 25-ը
Ուկրաինայի նախագահ Պյոտր Պորոշենկոն հրամանագիր է ստորագրել երկրում արտակարգ դրություն մտցնելու մասին: Այդ մասին հայտնում է ՏԱՍՍ գործակալությունը՝ հղում անելով Ուկրաինայի նախագահի պաշտոնական կայքին:
Պորոշենկոն համապատասխան հրամանագիրը ստորագրել է Ազգային անվտանգության և պաշտպանության խորհրդի որոշման հիման վրա:
Ուկրաինայի նախագահ Պյոտր Պորոշենկոն ուժի մեջ է մտցրել Ուկրաինայի Ազգային անվտանգության և պաշտպանության խորհրդի որոշումը՝ կապված երկրում մինչև հաջորդ տարվա հունվարի 25-ը ռազմական դրություն մտցնելու մասին:
Փաստաթղթում մասնավորապես ասված է. «2018 թվականի նոյեմբերի 26-ից ուժի մեջ մտցնել Ուկրաինայի Ազգային անվտանգության և պաշտպանության խորհրդի որոշումը՝ «Ուկրաինայի պետականությունը և անկախությունն ապահովելու համար արտակարգ միջոցների կիրառման և Ուկրաինայում ռազմական դրություն մտցնելու մասին»: