Փաշինյանի հերթական վտանգավոր ձախողումը
Աստանայում կայացած ՀԱՊԿ վեհաժողովի ժամանակ այդպես էլ չլուծվեց Գլխավոր քարտուղարի ընտրության հարցը և ինչպես Կրեմլի խոսնակն է ասում՝ այն կլուծվի դեկտեմբերի 6-ին՝ Սանկտ Պետերբուրգում։
Հայաստանյան իշխանությունների կատարած սկանդալային վրիպման և անհեռատեսության արդյունքում Հայաստանը կանգնած է ՀԱՊԿ գլխավոր քարտուղարությունը կորցնելու վտանգի առաջ, թեև այն մեզ էր փոխանցվել մինչև 2020 թվականը։ Թե դա ինչ է նշանակում կիսապատերազմական վիճակում գտնվող երկրի համար, դժվար չէ հասկանալ։
Խնդիրն առավել բարդանում է, երբ հետևում ես, թե ինչ քննարկումներ են ծավալվել ՀԱՊԿ գլխավոր քարտուղարությունը ստանձել փորձող անդամ պետությունների միջև։
Պարզվում է, որ այդ պաշտոնին հավակնող երկները, «թարսի պես», Ադրբեջանի հետ ջերմ հարաբերություններ ունեցող և ռազմաքաղաքական ակտիվ համագործակցության մեջ գտնվող Բելառուսն ու Նազարբաևն են։
Թերևս այս պահին ավելորդ է հիշատակել այս պետությունների ղեկավարների՝ Նազարբաևի և Լուկաշենկոյի մտերմիկ հարաբերություններն Ադրբեջանի նախագահ Ալիևի հետ, ինչը, բնականաբար, իր արտացոլումը կգտնի ՀԱՊԿ հետագա գործունեության արդյունքում և կհանգեցնի նրան, որ Հայաստանը ստիպված կլինի օգտվել վետոյի կիրառման՝ իր իրավունքից։
Նազարբաև-Լուկաշենկո-Ալիև տանդեմը ակտուալ է դարձնում Ադրբեջանի՝ ՀԱՊԿ-ի անդամակցության կամ դիտորդի կարգավիճակ տալու մասին հարցերը։
Երկու դեպքն էլ Հայաստանի համար կլինի ծանրագույն։
Իսկ ի՞նչ արեց Նիկոլ Փաշինյանն այդ ծանրագույն ելքից խուսափելու համար. իհարկե ոչինչ։
Բացի ՀԱՊԿ անդամ պետությունների ղեկավարների հետ նկարվելուց ու կլոր սեղանի շուրջ նստելուց, դեռ որևէ հայանպաստ որոշում չի կայացվել, թեև մի ողջ կառավարական պատվիրակություն գնացել է Աստանա։
Մերոնց այդպես էլ չհաջողվեց ՀԱՊԿ վեհաժողովում կանխել ՀԱՊԿ քարտուղարության քվոտան ՀՀ-ից չվերցնելը։
Իսկ սա Նիկոլ Փաշինյանի հերթական ձախոխումներից է։
Նազարբաևի բաց տեքստով ասվել է, որ քարտուղարության քվոտան տրվում է Բելառուսին, եւ դա Նիկոլ Փաշինյանի հերթական ձախողումն է:
Իսկ թե ինչ կարժենա այս ձախողումն Արցախի համար, հայտնի կդառնա կարճ ժամանակ անց։