Հեղափոխությունը պարտված է
Այս շրջանում շատ են ճամբարափոխները, հանուն պաշտոնի տեսակետներն ու գաղափարները փոխողները, շատ են մարդիկ, ովքեր անգամ ընկերական, անգամ բարեկամական հարաբերություններն են դնում մի կողմ՝ կրկին պաշտոնի և կարիերայի համար։ Կաշի փրկելու ժամանակներ են, եթե չմտար հոսքի մեջ, ապա դուրս կգաս խաղացողների դաշտից և ո՞վ իմանա՝ էլ ե՞րբ առիթ ու հնարավորություն կլինի քեզ հիշելու։
Ի դեպ, ճամբարափոխներին ընդունելով ՔՊ-ն՝ բռնում է ՀՀԿ-ի ուղին, որն էլ բերեց երբեմնի պատկառելի կուսակցության կազմաքանդմանը։ ՀՀԿ-ում էր նաև այդպես․ այստեղից-այնտեղից պոկված մոլորյալները շատ շուտ փափուկ աթոռ էին գտնում ՀՀԿ հովանու ներքո և դավաճանում, երբ հարկ էին համարում։
Ի վերջո մարդիկ, ովքեր իրենց մարմնով մեքենայի ճանապարհ էին փակել, կաթվածահար էին արել ողջ երկիրը հանուն իրենց արժեքների ու գաղափարների՝ չէին էլ պատկերացնում, որ կգա մի օր իրենց կողմից ընտրված իշխանությունները նախորդների առաջխաղացմամբ կզբաղվեն։
Այն երիտասարդությունը, որը Փաշինյանին նվիրեց վարչապետի պաշտոնը, մնացյալներին էլ՝ նախարար ու փոխնախարար դարձրեց, պայքարում էր հանուն աշխարհայացքի ընդլայնման, արժեքների վերաիմաստավորման համար և ոչ թե զուտ այն բանի, որ հումորիստ Հայկ Մարությանը գա իշխանության և ավելի բարձրացնի, օրինակ, Կամո Արեյանի պաշտոնը։ Նման նշանակոումները թույլ են տալիս գալ եզրահանգման, որ հեղափոխությունը պարտված է։ Մանրամասնելով նշենք, որ ոչ թե Նիկոլ Փաշինյանն ու իր թիմն են պարտված, այլ հենց հեղափոխությունը, ժողովրդի, երիտասարդության արած հեղափոխությունը, որովհետև այն բերեց միայն իշխանական կուսակցության փոփոխության, ոչինչ ավելին։
Ավելին՝ նոր իշխանական կուսակցությունն ավելի թույլ հիմքերի վրա է և դեռ պետք է կայացման փուլ անցնի, չունի սեփական գաղափարախոսություն, չունի որդեգրած արժեքներ՝ միայն օդում և ականջահաճո ելույթներ և վերջ։ Իսկ այդպես, ամեն հովին ճոճվելով, պետություն ղեկավարելը թերևս լի է վտանգներով և մի օր հրաբուխի նման պայթելու է կեղծիքների շարքը:
Մի խումբ երիտասարդներ «Ռոյալ» ակումբում Պզոյին ծեծի են ենթարկել
«Զգացի, էդ երեխան չի կարողանում ռույլը շարժել, ոչինչ չէր աշխատում». «Ուրալի» վթարից վիրավորված կին
Վարդան Ղուկասյանը կարևոր հայտարարություն է արել (տեսանյութ)
Հավաքվել ենք, որ մեր գյուղը փրկենք, հետո էլ ամբողջ Հայաստանը. տավուշցի փոքրիկներ (տեսանյութ)
«Քո բոլոր ընկերները սա են նայում, իրենց ընտանիքները սա են նայում, պատկերացնո՞ւմ ես»․ Աննա Հակոբյանը՝...
Որտե՞ղ է սիթքոմներով ապրած ու իր խաղացած կերպարների տակ մնացած Հայկ Մարությանը
Երևանում 34-ամյա որդին Ավանում սպանել է մորը, ապա գնացել Կիևյան կամուրջ և այնտեղից իրեն ցած նետել
Ինչ ցանել ես, այն էլ կհնձես. Ծիծեռնակաբերդում տեղի ունեցած միջադեպից հետո թերեւս, արժե թարմացնել ՔՊ-...
Ինչպես է Աննա Հակոբյանն ինքնամոռաց պարում «Ամառ» ռեստորանում (տեսանյութ)
«Թքեմ Նիկոլի ու իրա կնգա երեսին». փողոցային առևտրով զբաղվող քաղաքացի (տեսանյութ)
