Փաշինյանը չուզեց՝ չանցավ. դա պայմանավորվածության մեջ չէր մտնում
Վարչապետի պաշտոնակատար Նիկոլ Փաշինյանը բացահայտվում է՝ ջրի երես հանելով այն պայմանավորվածությունները, որոնք ձեռք է բերել հանրապետականների հետ և շարունակում է ձեռք բերել:
Ստացվում է՝ մի ողջ ամառ խորհրդարանական խմբակցությունները քրտնամխած աշխատեցին Ընտրական օրենսգրքի նախագծի վրա՝ հույս տալով նաև նորաստեղծ կուսակցություններին պառլամենտ մտնելու՝ առանց գիտակցելու, որ գործի գլխին կանգնած Փաշինյանն ընդամենը իմիտացիոն ֆոն է ստեղծում և ունի հստակ պայմանավորվածություն ռեյտինգային ընտրակարգով արտահերթ ընտրություններ անցկացնելու համար: Երեկ խորհրդարանում տարած-ետ բերած օրենսգրքի ընդունումը տապալվեց ընդամենը մեկ կողմ քվեի պատճառով: Երեկվանից փորձագիտական հանրությունն ահազանգում է՝ Փաշինյանը եթե ցանկանար՝ նոր ԸՕ-ն կանցներ, իսկ հարց չի՞ առաջանում՝ ինչու չցանկացավ;
Պատճառը մեկն է՝ ՀՀԿ-ի ռեյտինգայինից գլուխ հանողները կաշխատեն արդեն ՔՊ ի համար. հավանաբար, Փաշինյանն իր անփորձ ու անտաղանդ երիտասարդների վրա հույս չի դնում: Այս ամենից հետո հնչում է հաջորդ հռետորական հարցը՝ հիմա Ո՞Վ Է ՆԻԿՈԼԸ, պրոյե՞կտ, թե՞...
Փաշինյանը չուզեց՝ չանցավ: Գլուխ մի ջարդեք:
Գլուխ չջարդելու կոչով դիմում ենք հատկապես նոր Ընտրական օրենսգրքի «կնքահայր» Դանիել Իոաննիսյանին: