Հռոմի պապը սրբերի շարքին է դասել Սալվադորում սպանված արքեպիսկոպոսին
Հռոմի Պապ Ֆրանցիսկոսը սրբերի շարքին է դասել Սան-Սալվադորում սպանված արքեպիսկոպոս Օսկար Ռոմերոյին: Ռոմերոն քննադատում էր Սալվադորում 1980-ական թվականներին քաղաքացիական պատերազմ հրահրած երկու կողմերին և նրանց մեղադրում խաղաղ բնակչության սպանությունների մեջ:
Նա հանդես էր գալիս սոցիալական անհավասարության դեմ: 1980 թվականին, պատարագի ժամանակ, արքեպիսկոպոսը սպանվել է զինվորականի կողմից, իսկ նրա սպանության համար մինչ այսօր ոչ ոք պատասխան չի տվել:
Նրա սպանությունը ցնցեց ողջ աշխարհը, իսկ Սալվադորում քաղաքացիական պատերազմը հասավ իր գագաթնակետին, ավելի քան 75 հազար մարդ սպանվեց: