Օսիպյանը դուխ կանի՞ հասնել Փաշինյանին
Երեկվանից «ԱդեկվաԴ»-ների հետ կատարվածը փոթորկել է հայաստանյան ոչ ադեկվատների զոմբիացած անդորրը: Նրանք կրկին իրենց սիրած մեթոդով զարկ են տվել հայհոյանքներին և աջ ու ձախ քննադատում են այն տղաներին, ովքեր հարձակման են ենթարկվել Մարալիկ-Մարալիկ «քիփլիկ» քաղաքում: Թե ովքեր են այս ֆեյքերը, չգիտենք, իսկ թե ովքեր՝ ադեկվատ տղաները՝ գիտենք: Գիտենք նաև, թե ինչ է կատարվել նրանց հետ:
«Մարալիկում մեր նկատմամբ հարձակումը կազմակերպված էր, և մենք ոստիկանությունից պահանջել ենք բացահայտել ոչ թե այդ «բանկաբութուլկեքի և լնգուլավազների» ով լինելը, այլ՝ թե ովքեր են մեզ «քսի տվել» և ովքեր են կազմակերպիչները: Մեզ հետաքրքիր է, թե նրանց կապը ինչքանով է Նիկոլ Փաշինյանի հետ անձամբ: Մենք վստահ ենք, որ Փաշինյանի իրական հենարանը ոչ թե հեղափոխական դըմփդըմփարաններն են, այլ այս խուլիգանախմբերը, որոնք պատժիչ ջոկատներ են կազմում այլակարծության դեմ»,-այսօր հրավիրված մամուլի ասուլիսի ժամանակ ասաց հարձակման ենթարկվածներից՝ Նարեկ Մալյանը:
Մալյանն ու իր գործընկերն, ըստ էության, պահանջում են պատասխանատվության ենթարկել իրենց վրա հարձակում գործողներին և նրանց պատվիրատուներին, և իրենց այդ պահանջով ստիպում ոստիկանությանն աշխատել, ինչը դեռեւս չկա:
Ասուլիսից հետո միայն ոստիկանությունը տարածեց հայտարարություն, որում, մասնավորապես, ասված է, որ բացատրական աշխատանքի արդյունքում ոստիկանության բաժին են ներկայացել դեպքի մասնակից 5 քաղաքացիներ, որոնցից վերցվել են բացատրություններ:
Նշանակվել են փորձաքննություններ:
Նախապատրաստվում են նյութեր:
Թե ինչով է պայմանավորված ոստիկանության այս ուշացած արձագանքը դեպքերին, հարկ է հարցնել ոստիկանապետ Վալերի Օսիպյանից, ում հրահանգով կայծակնային արագությամբ պաշտպանություն են ստանում բոլոր նրանք, ովքեր հանդիսանում են իրենց թիմակիցն ու Փաշինյանի մոլի երկրպագուն: Բայց, քանի որ հարձակման են ենթարկվել Փաշինյանի սուր քննադատները՝ հարձակման ենթարկվածին գտնելու մասին կարելի է մտածել միայն այն ժամանակ, երբ հարցը ստանա հասարակական հնչեղություն, ինչպիսին դարձավ «ԱդեկվաԴ»-ների պարագայում: Իսկ գուցե «շան գլուխն ա՞յլ տեղ է թաղված»: Գուցե Օսիպյանը պարզապես չի՞ ցանկանում ձեռքը հասցնել Փաշինյանին: Ի՞նչ է անելու, երբ իսկապես պարզվի, որ Փաշինյանի մատն այս ամենում խառն է: