Դա վարչապետի՞ ելույթ էր, մուննաթ խի՞ ա գալիս, ի՞նչ կապ ունի Սերժ Սարգսյանը. Շարմազանով
Ես կարծում եմ՝ մտահոգություն պետք է բոլորս պետք է ունենանք, որովհետև երեկ մենք՝ բոլորս, վարչապետից ակնկալում էինք հստակ գնահատական՝ հեռախոսազրույցի բովանդակությանը: Այդ մասին այսօր լրագրողների հետ զրույցում ասաց ԱԺ փոխխոսնակ Էդուարդ Շարմազանովը:
«Այն, որ գաղնալսումը վատ է, ապօրինի է, մտահոգիչ է, փաստ է, և երկու կարծիք լինել չի կարող, բայց ոչ թե ԱԱԾ-ն պետք է զարմանա, ՀՔԾ-ն պետք է զարմանա, այլ մենք է զարմանանք, թե ինչպես են մեր համապատասխան ուժային կառույցների հեռախոսազանգերը լսում, ինչո՞ւ են իրենք այդքան անզգույշ»,- ասաց Շարմազանովը:
Նա մտահոգություն հայտնեց, որ եթե նրանց լսում են, ապա իրենց էլ կարող են լսել. «Էլ չեմ ասում, որ Թուրքիայի ու Ադրբեջանի հետ կապված բազմաթիվ խնդիրներ կան համաժողովներ կան, որ մենք պաշտպանված չենք: Իհարկե, սա դատապարտելի է: Բայց մյուս կողմից էլ՝ Մերկելին են լսում, Փաշինյանի անունից զանգում են եվրոպական պաշտոնյաների հետ են խոսում, սա, իհարկե, դատապարտելի է, բայց ավելի դատապարտելի է խնդրի բովանդակությունը»:
ԱԺ փոխնախագահի գնահատմամբ՝ երեկ Փաշինյանը մանիպուլյացիա արեց և այդպես էլ չանդրադարձավ խնդրի բովանդակությանը:
«Երեկ վարչապետի կողմից տեղի ունեցավ փաստերի մանիպուլյացիա. որևէ մեկը չանդրադարձավ բովանդակությանը: Միանգամից գոռացին՝ վատ ա, պետության համար շատ վատ ա, հասկացանք՝ վատ ա, շատ վատ ա: Շարմազանովը չի մեղավոր դրա համար: Ես քեզ հարց եմ տալիս, եղբայր: Դուք բազմաթիվ անգամներ նշել եք, որ դատական մարմինների, իրավապահ համակարգի աշխատանքին չեք միջամտում՝ ո՛չ Քոչարյանի, ո՛չ Խաչատուրովի, ո՛չ Մարտի 1-ի, ո՛չ էլ որևէ մեկի գործով: Բազմաթիվ անգամներ Փաշինյանն այդ մասին ասել է, նույնը՝ համապատասխան կառույցի ղեկավարները: Հիմա ո՞նց եղավ, որ ԱԱԾ պետը դատավորի հետ կապի մեջ ա մտնում, ըստ ԱԱԾ պետի և ըստ էդ ձայնագրության, և ասում ա՝ դուխով: Ավելին՝ ասում ա՝ ուզես-չուզես, պիտի կալանավորես»,- հարց բարձրացրեց Շարմազանովը:
Նա անդրադարձավ ձայնագրություն հնչող այն հատվածներին, թե կալանավորե՞ն արդյոք Խաչատուրովին, թե՞ ռուսները կնեղանան:
«Ո՞նց ա լինում, որ Խաչատուրովի խափանման միջոցը որոշվում ա ոչ թե փաստերի հիման վրա, այլ ռուսների հետ նոր են բարիշել, ռուսները կնեղանան, թե չեն նեղանա, էդ հիման վրա՝ բաց թող-բաց մի թող, Սեյրանին բա չե՞ս բռնելու, վարչապետն ասել ա՝ փակեք, մի հատ վարչապետի հետ խոսենք: Վարչապետն ի՞նչ կապ ունի էդ գործի հետ: Ես դա երեկ հնչեցրել եմ Ազգային ժողովում: Վարչապետ Փաշինյանը, փոխանակ պատասխան տա էդ մտահոգություններին, որոնք ավելի մտահոգիչ են, որովհետև եթե գաղտնալսումը կատարվել է էստեղից, ես չգիտեմ՝ դավադիր, հակահեղափոխական ուժերի, միգուցե արտաքին ուժերի կեղմից, դա թող իրենք պարզեն, բայց մի բան փաստ է. որ Հայաստանում քրեական գործերը զանգովի արդարադատությամբ են իրականացվում»,- ասաց Հանրապետական խմբակցության պատգամավորը:
Ըստ նրա՝ այդ ձայնագրությունն ապացուցեց, որ Հայաստանում կա քաղաքական հետապնդում, քաղաքական պատվեր:
«Ի՞նչ կապ ունի ասֆալտի վրա պառկացնելը, կամ էդ երկու ժամում ո՞ւմ պառկացրին՝ 2 հատ «Նիվա»-ի խեղճուկրակ շոֆե՞ր: Կամ ի՞նչ ա նշանակում ասֆալտի վրա պառկացնել: Երեկ վարչապետն իր հայտարարությամբ Հայաստանում հայտարարեց քաղաքական տեռորի ժամանակաշրջանի սկիզբը: Դա վարչապետի՞ ելույթ էր: Մուննաթ խի՞ ա գալիս, ո՞ւմ վրա գալիս, ի՞նչ կապ ունի Սերժ Սարգսյանը, ի՞նչ կապ ունի Հանրապետականը, ի՞նչ կապ ունեն մնացած երեք ուժերը: Կոնկրետ հարց եմ տալիս տալիս, ընկեր ջան, բովանդակության վերաբերյալ գնահատակա տվեք կամ մի տվեք: Կոնկրետ բովանդակության մեջ և՛ ՀՔԾ պետը, և՛ ԱԱԾ պետը միջամտում են իրավական գործընթացի մեջ: Ավելին՝ սիրելի՛ պարոն վարչապետ ջան, քո անունն են շոշափում: Հիմա դու հերքի կամ հաստատի: Եթե իրենք դա ասել են միտումնավոր ու սուտ են ասել, պետք է պատժվեն, եթե իրենք ճիշտ են ասել և դու ասել ես՝ փակեք, կամ մի հատ վարչապետի հետ խորհրդակցեք, ուրեմն այստեղ գործ ունենք ոչ թե արդարադատության համակարգի, այլ զանգովի արդարադատության հետ, որտեղ ամեն ինչ համաձայնեցվում ա քո հետ, պարոն վարչապետ, իմանանք: Դրա համար երեկ ասեցի՝ եթե այդպես ա, մեր երկրին ոչ պառլամենտ ա պետք, ոչ կառավարություն ա պետք, մի հատ պաշտոնյա ա պետք, անունը դնենք՝ միապետ Նիկոլ Փաշինյանը, թող ինքը դատախազն էլ լինի, դատավորն էլ լինի, ՀՔԾ պետն էլ լինի, պառլամենտն էլ լինի, կառավարությունն էլ լինի»,- ընդգծեց Շարմազանովը: