Դոնալդ Թրամփը նամակ է ստացել Կիմ Չեն Ընից․ ԱՄՆ-ում չեն ցանկանում հրապարակել նամակի բովանդակությունը
ԱՄՆ նախագահ Դոնալդ Թրամփը նամակ է ստացել Հյուսիսային Կորեայի առաջնորդ Կիմ Չեն Ընից։ Այս մասին հայտնել է ԱՄՆ նախագահի մամուլի քարտուղար Սառա Սանդերսը։ Կիմ Չեն Ընը նամակում նշել է, որ ցանկանում է, որ երկու առաջնորդները ևս մեկ անհատական հանդիպում ունենան։ Այս մասին տեղեկանում ենք Ntv.ru կայքից։
Սառա Սանդերսը, մասնավորապես, նշել է․ «Նախագահը Կիմ Չեն Ընից նամակ ենք ստացել: Դա շատ ջերմ, դրական նամակ էր: Մենք չենք հրապարակելու նամակը: Նամակի գլխավոր խնդիրն էր խնդրել և փորձել նշանակել նախագահի հետ մեկ այլ հանդիպում: Մենք պատրաստ ենք դրա համար անել ամեն ինչ և այս հարցում համակարգելու գործընթացում ենք»:
Նա ընդգծել է նաև, որ ԱՄՆ-ն ցանկանում է, որպեսզի այդ հանդիպումն ամեն կերպ կայանա։