«Գյուղնախարարությունը պետքա վերանա». խաղողագործները սկսել են չհավատալ նաև ներկայիս կառավարությանը
Արմավիրի խաղողագործները, ովքեր ի նշան բողոքի, երեկվանից երեկվանից փակել էին Արմավիր-Երեւան մայրուղին հանդիպեցին Արմավիրի մարզպետ Գագիկ Միրիջանյանի հետ:
Խաղողագործները ինչպես նշեցին, որ իրնեց խաբել են՝ հայտարարելով, որ խաղողը կմթերվի 160 դրամով, այժմ ուզում են 140-ով մթերել:
Խաղողագործները պնդում են, որ մթերող ընկերությունների հետ նույնիսկ արդեն պայմանագրեր ունեն, որ խաղողը մթերեն 160 դրամով կմթերվի: Նրանք հիասթափված են՝ խաբվել են նախորդ իշխանությունից, այժմ շարունակում են խաբվել նոր իշխանությունից:
«Գյուղնախարարությունը պետքա վերանա, միայն երկու հոգի պետքա մնա: Մինչև հիմա ոչ մի բան չեն արել, սրանից հետո էլ չեն կարա ասեն. էս տարիքի մարդ եմ, գյուղնախարարությունից մի լավ բան, մի օգնություն չեմ տեսել, հիմա նորից նույնը կրկնում են»,-նեղսրտած ասում ք տարեց մի խաղողագործ:
Մարզպետը նկատեց, որ խաղող մթերող ընկերությունների որոշմանը չեն կարող ազդել, բայց այն խաղողագործները, ովքեր պայմանագիր ունեն արդեն կնքված, նրանց կօգնեն կյանքի կոչել այդ պայմանագիրը և թույլ չեն տա խախտել նրանց իրավունքերը:
«Նախորդ իշխանությունների օրոք մենք իմացել ենք, որ իշխանության և վերամշակող գործարանների շահը մեկն է՝ ինչքան հնարավոր է այս ժողովրդից փող պոկել։ Եկավ նոր իշխանություն, մտածեցինք, որ այս իրավիճակում կառավարությունը արբիտր լինի՝ առանց փայ մտնելու: Ես չեմ ուզում, որ մեր ոգևորության ալիքը մարի»,-ասաց գյուղացիներից մեկը։
Խաղողագործներից յուաքանչյուրն իր տարբերակն էր առաջարկում, և միայն կրէերը փոքր-ինչ հանդարտվեցին, երբ մարզպետը հայտարարեց, որ ժամը 12:30-ին գյուղնախարարը կլինի Արմավիրում՝ հանդիպելու խաղողագործների հետ:
«Խնդրում եմ չպարալիզել մարզի կյանքը. 12:30 այս դահլիճում սպասում ենք»,-ասաց մարզպետը: