Մարուքյանի հարցադրումն անվստահություն էր գործող կառավարության նկատմամբ․ Արեմն Աշոտյան
Այսօր՝ օգոստոսի 29-ին, Ազգային ժողովի արտահերթ նիստում, «Ելք» խմբակցության պատգամավոր Էդմոն Մարուքյանը բարձրացրեց Վրաստանից ցամաքային ճանապարհով հացահատիկի ներկրման արգելքի հարցը: Նա մտահոգություն հայտնեց, որ սեպտեմբերի 15-ից հնարավոր է հացահատիկըը թանկանա, և հորոդորեց ԱԺ-ին զբաղվել խնդրով։
ԱԺ փոխնախագահ, «Հայաստան-Վրաստան բարեկամական խմբի» ղեկավար Էդուարդ Շարմազանովն էլ նշեց, որ մինչև ամսի 15-ը մեկնելու են Վրաստան և կանեն՝ ինչ հնարավոր է, սակայն հիմնական անելիքը կառավարության վրա է։
Ավելի ուշ, արդեն ԱԺ միջանցքում, Հանրապետական կուսակցության պատգամավոր Արմեն Աշոտյանը լրագրողների հետ զրույցում արձագանքեց Մարուքյանի բարձրացրած խնդրին։
Նա նկատեց, որ Մարուքյանը կառավարությանը դիմելու փոխարեն իրենց է դիմում:
«Պարոն Մարուքյանի հարցադրումը փաստորեն անվստահություն էր գործող կառավարությանը, որովհետև եթե բարձրացված խնդրի լուծումը պետք է անի բարեկամական խումբը, ապա հասկանալի չէ, թե ինչով պետք է զբաղվի Արտաքին գործերի նախարարությունը, հասկանալի չէ, թե վարչապետ Նիկոլ Փաշինյանի՝ Վրաստան կատարած այցն ինչպիսի կոնկրետ տնտեսական հետևանքներ ունեցավ Հայաստանի համար»,- ասաց Աշոտյանը: