Վարչապետը սահմանափակելու է տեղեկատվության տրամադրման և խոսքի ազատությունը. Աշոտյանը փաստաթուղթ է հրապարակել
ԱԺ Հանրապետական խմբակցության պատգամավոր Արմեն Աշոտյանը ֆեյսբուքյան իր էջում հրապարակել է փաստաթուղթ, որով, վարչապետի թեթև ձեռքով, սահմանափակվում է խոսքի ազատությունը:
Արմեն Աշոտյանը մասնավորապես գրել է.
«Ծանոթացեք ՀՀ վարչապետի աշխատակազմի ղեկավարի այս շրջաբերականին, որը սահմանափակելու է տեղեկատվության տրամադրման ազատությունը, մամուլի օպերատիվությունը, խոսքի ազատությունը և աշխատակիցների ազատ արտահայտվելու իրավունքը։
Վաղն առավոտյան վարչապետ Նիկոլ Փաշինյանին դիմելու եմ պաշտոնապես հետևյալ հարցադրումներով.
1. Ո՞րն է տվյալ շրջաբերականի իրավական հիմքը։
2. Ի՞նչ իրավական հիմքով է աշխատակազմի ղեկավարի շրջաբերականը կոչվում կարգ։
3. Ո՞ր իրավական հիմքով են պատժվելու այս «կարգը» խախտող աշխատակիցները։
Վարչապետի պատասխանը նույնպես կհրապարակեմ»։