2019-ին աշխատավարձերն ու թոշակները չեն բարձրանա. Ֆինանսների նախարարը փորձում է «մեղքը բարդել» նախորդ իշխանության վրա
Ֆինանսների նախարար Ատոմ Ջանջուղազյանը խուսափեց ըստ էության պատասխանելուց լրագրողների հարցին, թե 2019-ին կբարձրանա՞ն թոշակներն ու աշխատավարձերը, թե՞ ոչ:
Նա նշեց, որ «էական տարբերություններ վերջերս քննարկված միջնաժամկետ ծախսերի ծրագրից առայժմ չկան: Դուք այդ ծրագրում տեսել եք 2019 թվականի հիմնական ցուցանիշները: Ուսումնասիրեք այդ թվերը»,- ասաց նա:
Ֆինանսների նախարարը չմոռացավ ակնարկել նաև, որ 2019 թվականի բյուջեի քննարկումներն սկսվել են դեռևս նախորդ տարվա դեկտեմբերից: Ասել է թե՝ նախորդ վարչապետի օրոք:
Հիշեցնենք միայն, որ Նիկոլ Փաշինյանը, օրերս կազմակերպված ասուլիսի ժամանակ նշեց, որ քննարկվում է 2019-ի բյուջեն, որտեղ ավելացումների մասին գոնե առայժմ խոսք չկա:
«Աշխատավարձերն ու թոշակները կավելանան, երբ բյուջե վերադարձվեն թալանված գումարները»,-ասել էր վարչապետը՝ չմատնանշելով կոնկրետ ժամանակացույց: