4-ամյա հայ տղային ուզում են հանձնել ադրբեջանցի խորթ հորն ու համացանցը բաց նկարներով ողողած մորը․ փաստաբաններ (տեսանյութ)

Հայաստանի Հանրապետության կողմից իրականացվում է անօրինական գործընթաց։ Այս մասին NEWSPRESS.am-ի հետ զրույցում ասաց փաստաբան Վահան Հովհաննիսյանը։ Նա նշեց, որ ինչպես ինքը, այնպես էլ փաստաբան Ժորա Պետրոսյանը ներկայացնում են Ռոբերտ Բաբախանյանի և նրա 4-ամյա որդու շահերը։

«Գտնում եմ, որ ներկայումս ՀՀ-ի կողմից իրականացվում է անօրինական գործընթաց՝ 4-ամյա տղային ադրբեջանցի խորթ հորը հանձնելու կապակցությամբ»,- ասաց Վահան Հովհաննիսյանը։

Նա պատմեց, որ 2 տարի առաջ երեխայի հայրը՝ Ռոբերտ Բաբախանյանը, փոքրիկ Գևորգի մոր հետ պայմանավորվածություն է ձեռք բերում՝ երեխային Պրահայից Հայաստան տեղափոխելու համար։

Այստեղ երեխան բնակվում է իր հոր և տատի հետ։ Նա սկսում է հաճախել մանկապարտեզ և գտնվում է արդեն հարազատ միջավայրում, երբ նրա՝ Հայաստանում գտնվելուց հետո, 8 ամիս անց, մայրը՝ Քսենյա Բաբախանյանը, դիմում է դատարան, որպեսզի երեխային վերադարձնի Հայաստան։ Նա հայտարարել է, թե իբր տեղի է ունեցել երեխայի առևանգում։

«Երեխայի տեխափոխումն անօրինական չի եղել, քանի որ հայրը զրկված չի եղել հայրական իրավունքից, այլ եղել է պայմանավորվածություն»,-ասում է փաստաբանը, ով նշում է, որ հայրը ցանկացել է իր մոտ բերել երեխային մի քանի պատճառներով։

Նախ Քսենյա Բաբուխանյանը, ըստ փաստաբանի, վարել է անբարո կյանք և նրա բաց նկարները տեղ են գտել նաև սոցիալական ցանցերում։

Բացի այդ, Քսենյան նշանադրված է արդրբեջանցու հետ, ինչն ինքնին նշանակում է արդեն, որ երեխային հարազատ հորից պետք է վերցնեն և տան ադրբեջանցի խորթ հորը։

Մանրամասները՝ տեսանյութում․