Ի՞նչ է թաքնված գաղջ աղերսագրի ու այս հանդիպման տողակատում
Կառավարական առանձնատանը տեղի է ունեցել ՀՀ վարչապետ Նիկոլ Փաշինյանի և առաջին նախագահ Լևոն Տեր-Պետրոսյանի հանդիպումը։
Այս մասին տեղեկացնում է ՀՀ կառավարության ֆեյսբուքյան էջը: Առաջին նախագահն իր տեսակետներն է հայտնել Հայաստանի առջև ծառացած մի շարք մարտահրավերների հաղթահարման ուղիների վերաբերյալ: Քննարկվել են արտաքին քաղաքականությանը և Արցախյան հիմնախնդրին վերաբերող հարցեր: Հանդիպումը տեղի է ունեցել Լևոն Տեր-Պետրոսյանի նախաձեռնությամբ:
Սա, թերևս, այն ամբողջ տեղեկատվությունն է, որը կառավարության լրատվական ծառայությունը հարկ է համարել հրապարակել։ Սակայն ակնհայտ է, որ այս հանդիպման ընթացքում եղել է նաև հրապարակման ոչ ենթակա քննարկում, ինչն առայժմ խնամքով թաքցվում է։
Համեմատելով մեր երկրում տեղի ունեցող իրադարձություններն, ակնհայտ է դառնում, որ էքս նախագահի հանդիպումը Փաշինյանի հետ՝ ունի հստակ տողատակ։ Հավանաբար, Լևոն Տեր-Պետրոսյանն այս հանդիպմամբ հող է նախապատրաստում Երևանի ավագանու և Ազգային ժողովի սպասվող արտահերթ ընտրությունների ֆոնին ՀԱԿ-ի ակտիվացման համար։ Տեր-Պետրոսյանն այս հանդիպմամբ փորձել է տեղ բացել իր՝ գրեթե մարած կուսակցության համար՝ իրենց ներկայությունն ապահովելով թե՛ Երևանի ավագանիում, թե՛ Ազգային ժողովում։
Չի բացառվում նաև, Լևոն Տեր-Պետրոսյանն այս հանդիպումն օգտագործել է վարչապետ Նիկոլ Փաշինյանին Արցախի վերաբերյալ խորհուրդներ տալու համար, սակայն հարց է՝ որքանով են դրանք ընկալելի եղել ներկայիս իշխանության գլուխ հանդիսացող Նիկոլ Փաշինյանի համար։
Այս հարցականն ավելի ցայտուն է դառնում, երբ հիշում ես Նիկոլ Փաշինյան-ՀԱԿ վեճը, որը շատ հաճախ անցնում էր թույլատրելիի սահմանը:
Այստեղ տեղին է հիշել Նիկոլ Փաշինյանի պնդումները, թե անհիմն են այն խոսակցությունները, թե ինքը պատրաստվում է լքել ՀԱԿ-ի շարքերն ու անդամագրվել այլ կուսակցության. «Ո՛չ տեսականորեն, ո՛չ գործնականորեն դա երբեք հնարավոր չէ։ Եւ դա այն պատճառով, որ իմ քաղաքական տունը ՀԱԿ-ն է»,-մի անգամ ասել է Փաշինյանը, սակայն կյանքը ցույց տվեց, որ տունը կարելի է փոխել, ավելին՝ խիստ հեռանալ դրանից։
Իսկ Կառավարության իրազեկումը, թե հանդիպումը տեղի է ունեցել Լևոն Տեր-Պետրոսյանի նախաձեռնությամբ, հիշել է տալիս Փաշինյանի՝ Լևոն Տեր-Պետրոսյանի հասցեին արված ևս մեկ արտահայտություն․ «Սերժ Սարգսյանին հանդիպման աղերսագիր գրողներն անցյալի գաղջ հիշողություն են»։
Եվ հիմա հարց է՝ Լևոն Տեր-Պետրոսյանի այս աղերսագիրն է՞լ է Փաշինյանը գաղջ հիշողություն որակելու, թե՞ գաղջը միայն Սերժ Սարգսյանի պարագայում էր։
Ինչևէ. շուտով հայտնի կդառնան և՛ ավագանու, և՛ Ազգային ժողովի արտահերթ ընտրությունների օրերը, և այդ ժամանակ պարզ կլինի աղերսագիր գրողի և այս հանդիպման տողատակերին՝ Փաշինյանի տված արձագանքը։
Մի խումբ երիտասարդներ «Ռոյալ» ակումբում Պզոյին ծեծի են ենթարկել
«Զգացի, էդ երեխան չի կարողանում ռույլը շարժել, ոչինչ չէր աշխատում». «Ուրալի» վթարից վիրավորված կին
Վարդան Ղուկասյանը կարևոր հայտարարություն է արել (տեսանյութ)
Հավաքվել ենք, որ մեր գյուղը փրկենք, հետո էլ ամբողջ Հայաստանը. տավուշցի փոքրիկներ (տեսանյութ)
Արցախից խաղաղապահների շտապ դուրս գալը կարող է կապված լինել Ադրբեջանում սպասվող զարգացումներով․ Դանիե...
Երևանում 34-ամյա որդին Ավանում սպանել է մորը, ապա գնացել Կիևյան կամուրջ և այնտեղից իրեն ցած նետել
Վարդենիսում տաքսու վարորդն ու ևս մեկ տղամարդ 13-ամյա աղջկա են բռնաբարել. բժիշկները պայքարում են նրա ...
«Թքեմ Նիկոլի ու իրա կնգա երեսին». փողոցային առևտրով զբաղվող քաղաքացի (տեսանյութ)
Ոսկեպարի բնակիչները հայտարարել են, որ Փաշինյանն իրենց այլ բան էր խոստացել
Դիմում ենք դաշնակից ՌԴ իշխանություններին և բարեկամ ռուս ժողովրդին՝ խաղաղապահ զորախմբի դուրսբերման գո...
