Երևանի ավագանին որոշեց քաղաքապետի ընտրության օրը
Երևան քաղաքապետարանի ավագանին այսօր՝ հուլիսի 12-ին արտահերթ նիստ էր գումարել: Օրակարգի միակ հարցը Երևանի քաղաքապետի ընտրության օր նշանակելու հարցն էր:
Տարոն Մարգարյանի հրաժարականից հետո Երաևնի քաղաքապետի ժամանակվոր պաշտոնակատար է նշանակվել փողքաղաքապետ Կամո Արեյանը, ով այսօր վարում էր նիստը: Նա առաջարկեց Երևանի քաղաքապետի արտահերթ ընտրության օրը սահմանել հուլիսի 16-ը։
Երևանի ավագանու «Ելք» խմբակցության ղեկավար Դավիթ Խաժակյանն էլ առաջարկեց քաղաքապետի արտահերթ ընտրության օր նշանակել 2018 թ․-ի օգոստոսի 8-ը։
«Ձեր նշածով արտահերթ ընտրություններն այդքան շուտ են լինելու, որ ընտրական գործընթացի կազմակերպման տեսանկյունից խնդիրներ են առաջանալու։ Եթե հուլիսի 16-ին քաղաքապետ չընտրվի, Երևանի ավագանու արտահերթ ընտրությունները օգոստոսին են լինելու, իսկ այդ ժամանակ պայմանները չափազանց դժվար են լինելու՝ քարոզարշավների կազմակերպման, տպարանների, դպրոցների հետ կապված խնդիրներ կարող են լինել։ Եվ այստեղ ամենամեծ վնասն այն է, որ ընտրությունների խոչընդոտները հաղթահարվելու են լրացուցիչ և մեծ գումարների հատկացմամբ։ Սա սաբոտաժ է պետության դեմ, ոչ թե «Ելքի» դեմ, այլ պետության դեմ»,- նշեց Խաժակյանը։
Նա առաջարկեց 15 րոպե ընդմիջում վերցնել:
Ընդմիջումից հետո Կամո Արեյանը նախ քվեարկության դրեց հուլիսի 16-ին ժամը 11-ին քաղաքապետի ընտրության օր նշանակելու հարցը: Այս առաջարկն ընդունվեց 34 կողմ, 11 դեմ և 1 ձեռնպահ ձայների հարաբերակցությամբ: Այնուհետև քվեարկության դրվեց Դավիթ Խաժակյանի առաջարկը, այն է՝ օգոստոսի 8-ը նշանակել քաղաքապետի ընտրության օր: Այս առաջարկը չընդունվեց:
Գրանցված 49 անդամից կողմ քվեարկեց 15, դեմ 34, ձեռնպահ 1 ավագանու անդամ: